પેન્ટિંગ / બાળપણના પોતાના સપના શેર કરતાં ધોનીએ કહ્યું કંઇક આવું, જુઓ Video

આઇસીસી વિશ્વકપ બાદ સંન્યાસ લેવાની શક્યતાની ચર્ચાની વચ્ચે ધોનીએ પોતાના કેટલાક પેન્ટિંગનું પ્રદર્શન કર્યું. બાળપણના પોતાના સપના શેર કરતાં એને કહ્યું કે એ ચિત્રકાર બનવા ઇચ્છતો હતો. 

એના એક વીડિયોમાં એન કહ્યું, 'હું તમને એક ખાનગી વાત શેર કરવા ઇચ્છું છું. બાળપણથી જ હું એક ચિત્રકાર બનવા ઇચ્છતો હતો. મે બહુ ક્રિકેટ રમી લીધી. મે નિર્ણય લીધો છે કે હવે સમય એવું કરવાનો આવી ગયો છે જે હું કરવા ઇચ્છતો હતો અને એટલા માટે મે કેટલીક પેન્ટિંગ બનાવી છે.'

I like Dhoni's helicopter shot most. But his paintings are good too.#WhyDhoniWhy pic.twitter.com/SGyWBA4sYo

— Tanya Mishra (@TanyaMisti) May 20, 2019

ભારતની ટી-20 અને વન ડે વિશ્વ કપ વિજેતા ટીમોનો કેપ્ટન રહેલ 37 વર્ષીય ધોની ક્રિકેટ મહાકુંભમાં ધમાલ મચાવવા તૈયાર છે. આ એના માટે છેલ્લો વર્લ્ડ કપ હોઇ શકે છે. 

એની પહેલી પેન્ટિંગ પ્રાકૃતિક દ્રશ્યની છે. એને એ દેખાડતા કહ્યું કે એને પ્રકૃતિ ખૂબ જ પસંદ છે. 

ધોનીએ આ પેન્ટિંગ પોતાને ખૂબ ગમે છે એવું જણાવ્યું. એને કહ્યું કે આ એની પ્રતિકૃતિ છે જેમાં એ આઇપીએલમાં ચેન્નાઇ સુપરકિંગ્સની જર્સીમાં રમતો જોવા મળી રહ્યો છે. એને કહ્યું કે એ જલ્દીથી પોતાના ચિત્રોનું પ્રદર્શન લગાવશે. એને આ સંબંધે પોતાના પ્રશંસકો પાસેથી સૂચનો અને સલાહ માંગી છે.