સચિન તેન્ડુલકરે એક ઈન્ટરવ્યૂમાં જણાવ્યું કે, જ્યારે તેમને લાગ્યું કે હવે તે નહીં રમી શકે ત્યારે તે સમયનાં કેપ્ટન મહેન્દ્રસિંહ ધોનીએ તેમને બધા ખેલાડીઓથી અલગ કરી દીધો હતો. જે સચિન માટે સૌથી ભાવુક સમય હતો.
મારી માંએ મને ક્યારેય ફ્રેન્ડલી મેચ રમતા પણ નહોતો જોયો
હું સ્ટેન્ડમાં મારા ફેમિલી તરફ ક્યારેય નહોતો જોતો
સચિન લાસ્ટ ટેસ્ટ મેચ વખતે માં ને સ્ટેડિયમમાં જોઈને ભાવુક બન્યો હતો
રિટાયરમેન્ટની ક્ષણે આખુ પરિવાર સ્ટેડિયમ પહોંચ્યુ હતું
સચિન તેન્ડુલકરે તેની છેલ્લી ટેસ્ટ મેચ 2013માં વેસ્ટ ઈન્ડિઝ સામે મુંબઈનાં વાનખેડે સ્ટેડિયમમાં રમી હતી. જે તેમની 200મી ટેસ્ટ મેચ હતી. સચિનનાં રિટાયરમેન્ટમાં તેની માતા, પત્ની અને આખુ પરિવાર સ્ટેડિયમ પહોંચ્યુ હતું.
ધોનીએ કહ્યું પાજી બે મિનિટ થોડા દૂર જાઓ
સચિને એક ઈન્ટરવ્યૂમાં જણાવ્યું કે, મેં રિટાયરમેન્ટ ભાષણ આપવા માટે પાણીની એક બોટલ સાથે રાખી હતી. મને પહેલીવાર એવુ લાગ્યું હતું કે હવે આ શક્ય નહીં બને હવે હું નહીં રમી શકુ ત્યારે ધોનીએ બધા ખેલાડીઓને એક બાજુ બોલાવ્યા અને મને કહ્યું કે પાજી તમે બે મિનિટ માટે થોડા દૂર જાઓ. તે લોકો કંઈક પ્લાનિંગ કરી રહ્યાં હતા. તે સમય સુધી મને નહોતુ લાગતું કે કંઈ થઈ રહ્યું છે. ત્યારેજ મને લાગ્યું કે હવે સમય આવી ગયો છે. પછી હું ડ્રેસિંગ રુમ તરફ પાછો જઈ રહ્યો હતો. તે સમયે હું ખૂબ ભાવુક બની ગયો હતો અને સીધો ડ્રેસિંગ રુમમાં જતો રહ્યો અને ત્યાં એકલો બેસી ગયો.
મારી માં પહેલીવાર સ્ટેડિયમમાં મેચ જોવા આવી હતી
સચિને તેની છેલ્લી ટેસ્ટ મેચ અંગે કહ્યું કે, મારી માં મેચ જોવા આવી હતી. જેથી હું ભાવુક બન્યો હતો. અગાઉ બધા લોકોએ મને મેદાનમાં લાઇવ રમતા જોયો હતો પણ મારી માં એકલા એવા વ્યક્તિ છે જેમણે મને ફ્રેન્ડલી મેચમાં પણ રમતા નહોતો જોયો. તે ખૂબ પરેશાન થઈ જાય છે. હું નહોતો ઇચ્છતો કે મારી ફેમિલી માંથી કોઈ મને સ્ટેન્ડમાં દેખાય, જો કોઈ આવ્યું હોય તો પણ હું તેમને કહી દેતો હતો કે તેઓ ખુદને સંતાડી દે. મેચ દરમિયાન હું રમવા માંગતો હતો તેમને જોવા નહોતો માંગતો. હું તેમનાં પર ફોકસ નહોતો કરવા માંગતો. હું એ નહોતો વિચારતો કે તેઓ જશ્ન મનાવી રહ્યાં છે કે નહીં.
અંજલી ક્યારેય સ્ટેડિયમ નહોતી આવતી
સચિને તેની પત્ની વિશે કહ્યું કે, અંજલી ક્યારેય સ્ટેડિયમ નહોતી આવતી. ઓસ્ટ્રેલિયામાં 2004માં બાકીનાં ખેલાડીઓની પત્નીઓ મેચ જોવા આવતી હતી. ત્યારે અંજલીને પણ કહ્યું હતું મેચ જોવા માટે ત્યારે તેણે કહ્યું કે હું થોડી સુપરસ્ટિસિયસ છું. તેમ છતાં બધાનાં કહેવા પર તે ટેસ્ટ મેચ જોવા મેલબર્નમાં બોક્સિંગ ડે ટેસ્ટ મેચ જોવા આવી. બ્રેટ લીએ પહેલી બોલી ફેંકી અને ડાઉન ધ લેગ રમ્યો શોટ વાગ્યો અને એડમ ગિલક્રિસ્ટે ડાઇવ મારીને શાનદાર કેચ ઝડપી લીધો. ત્યારબાદ અંજલી ચુપચાપ જતી રહી. પછી તે ક્યારેય મેચ જોવા નથી આવી અને તે પછી સીધી મારી છેલ્લી ટેસ્ટ જોવા આવી હતી.