આઈપીએલની આ સીઝનમાં ધોનીની ટીમનું પ્રદર્શન નિરાશાજનક રહ્યું છે પરંતુ ધોનીના ફેનની સંખ્યામાં કોઈ ઘટાડો નથી થયો. ધોનીનાં આ જબરા ફેનની તસવીરો હાલમાં વાયરલ થઇ રહી છે.
તમિલનાડુના ગોપી કૃષ્ણનના ઘરની તસવીરો વાયરલ
પોતાના આખા ઘરને ચેન્નઈ સુપર કિંગ્સના રંગે રંગાવ્યું
CSKએ પોતાના હેન્ડલ પર શેર કરી તસવીર
ચેન્નઈ સુપર કિંગ્સને આઈપીએલનું પાવરહાઉસ કહેવામાં આવે છે, અત્યાર સુધી આ ટીમ ત્રણવાર ખિતાબ જીતી ચૂલી છે. આ ટીમ આઠવાર ફાઈનલ રમી ચુકી છે અને દરવર્ષે પ્લે ઓફમાં પહોંચી છે. જોકે આ વર્ષે આ ટીમનું પ્રદર્શન થોડું નિરાશાજનક દેખાઈ રહ્યું છે પણ દેશભરમાં ચેન્નઈના ફેન્સની સંખ્યામાં કોઈ ઘટાડો થયો નથી. દેશભરમાં આજે પણ ધોની અને ચેન્નઈ સુપર કિંગ્સના ચાહકોની સંખ્યા વધારે છે.
મહેન્દ્ર સિંહ ધોની ભારતના સૌથી લોકપ્રિય ક્રિકેટ ટીમ કેપ્ટન છે અને હજુ પણ તેમના ચાહકોની સંખ્યામાં કોઈ ઓટ આવી નથી. ધોનીની સૌથી મોટી તાકાત તેમના આ ભરોસેમંદ ચાહકો છે ત્યારે ચેન્નઈ સુપર કિંગ્સ દ્વારા આવા જ ફેનની તસવીરો શેર કરવામાં આવી છે.
આ ફેનનું નામ છે ગોપી કૃષ્ણન જે તામિલનાડુના આરન્ગુરમાં રહે છે. ધોની અને CSKના આ સુપર ફેનએ પોતાના આખા ઘરને પીળા રંગમાં રંગી કાઢ્યું છે અને ઘરને નામ આપ્યું છે. હોમ ઓફ ધોની ફેન. ટ્વિટર પર આ તસવીરો ખૂબ વાયરલ થઇ રહી છે.
ગોપીએ કહ્યું કે હું ધોનીનો ખૂબ મોટો ફેન છું, લોકો તેમના વિશે નેગેટિવ કોમેન્ટ કરી રહ્યા છે. લોકો ભૂલી ગયા છે કે વર્લ્ડ ક્રિકેટમાં બેસ્ટ ફિનીશર્સમાંથી એક છે.
નોંધનીય છે કે મંગળવારે જ ચેન્નઈએ હૈદરબાદને મ્હાત આપી અને વાપસી કરી છે. આ મેચમાં ધોનીએ કેટલાક ફેરફાર પણ કર્યા હતા. તેમણે શેન વોટ્સનની જગ્યાએ સેમને ઓપનિંગમાં ઉતાર્યો હતો.
આ મેચમાં ધોની સેનામાં સાત બોલર્સને સ્થાન આપવામાં આવ્યું અને ધોની આ ફેરબદલના કારણે ટીમનો ઘણો બધો ફાયદો થયો અને ટીમે જીત હાંસલ કરી. હવે શનિવારે ચેન્નઈ સુપર કિંગ્સની દિલ્હી કેપિટલ્સ સામે મેચ છે.