ધોનીનાં સાથી રહી ચુકેલા શેન વોટસનનું કહેવું છે કે આવતા વર્ષે ધોની ચેન્નાઈનાં કોચ તરીકે પણ જોવા મળી શકે છે. જાણો વિગતવાર
ધોની આવતા વર્ષે પણ પીળી જર્સીમાં જોવા મળશે
કોચ તરીકે પણ જોવા મળી શકે છે ધોની
શેન વોટસને કર્યો ખુલાસો
ધોની આવતા વર્ષે પણ પીળી જર્સીમાં જોવા મળશે
સચિન પછી જો કોઈ ક્રિકેટરની જબરદસ્ત ફેન ફોલોઈંગ છે તો એ છે એમએસ ધોનીની. બિહાર અને ઝારખંડનાં લોકો માટે તેઓ મહિયા અને ધોનીયા છે. જ્યારે ચેન્નાઈનાં ફેન્સ તેમને થાલા કહીને બોલાવે છે. ચેન્નાઈ સાથે તેઓ એટલા વર્ષ જોડાયેલા રહ્યા છે કે ધોનીનું હોમ ટાઉન રાંચીને બદલે હવે ચેન્નાઈ લાગવા માંડ્યું છે.
ધોની આવતા વર્ષે પણ પીળા કલરની જર્સીમાં જ જોવા મળશે. આ વાત તેમણે પોતે જ થોડા દિવસો પહેલા કરી છે. જોકે એ સ્પષ્ટ નથી કે તે પ્લેયર તરીકે જોવા મળશે કે સ્ટાફ બનીને પીળી જર્સીમાં જોવા મળશે. હૈદરાબાદ સામે મેચમાં ટોસ દરમિયાન, માહીએ ડેની મોરિસનનાં સવાલનો જવાબ આપતા આમ કહ્યું હતું.
શું ધોની બનશે કોચ?
હવે જે વાત સામે આવી છે, તે અનુસાર, ધોની ચેન્નાઈનાં કોચ બની શકે છે. આ વાત ચેન્નાઈમાં ધોનીનાં સાથી રહેલા શેન વોટસને કહી છે. વોટસને કહ્યું હતું કે મને લાગે છે કે જ્યારે તેમણે અલગ પીળી જર્સી કહ્યું, તો કદાચ એક પ્લેયર નહીં, પણ કોચિંગનાં શર્ટ વિષે તેઓ વાત કરી રહ્યા હશે. ધોની ચેન્નાઈ માટે ક્રિકેટ રમ્યા બા તે જ ટીમ સાથે જોડાયેલા રહેશે. જો તેઓ આમ નથી કરતા, તો મને ઘણી નવાઈ લાગશે.
શેન વોટસને કર્યો ખુલાસો
આગળ વોટસને કહ્યું કે ધોની માત્રને માત્ર ચેન્નાઈ સાથે જ જોડાયેલા રહેવા માંગે છે. તેઓ જણાવે છે કે હું ઘણી વાર તેમની સાથે વાત કરું છું. અમારી વચ્ચે ઘણી વખત વાતો થઇ છે અને એક વસ્તુ જે મને ખબર છે કે તેઓ આમાં સામેલ જ રહેવા માંગે છે. પછી ભલે એ કોચિંગ હોય કે ક્રિકેટ નિદેશક. અત્યારે તો કોઈ ઉતાવળ નથી, તેઓ એક પ્લેયર તરીકે હજુ પણ ઘણું સારું કામ કરી રહ્યા છે.