આઈપીએલ / ધોની બન્યો આઈપીએલમાં 150 કરોડથી વધારે કમાણી કરનાર ખેલાડી, રોહિતે આ પ્લેયરને પાછળ છોડ્યો

• બીસીસીઆઈનાં રિટેન્શન નિયમને લીધે ધોની થયો ફાયદો 
• ધોનીએ 2018માં સીએસકેમાં વાપસી કરીને 150 કરોડ કમાયા
• રોહિત શર્મા શરુઆતથી સૌથી વધારે વેતન મેળવનાર પ્લેયરમાં સામેલ

રિટેન્શન પહેલાની કમાણી 137 કરોડ
ભારતીય ક્રિકેટ ટીમનાં પૂર્વ કેપ્ટન મહેન્દ્રસિંહ ધોની ઈન્ડિયન પ્રીમિયર લીગમાં 150 કરોડ રુપિયાથી વધારેની કમાણી કરનાર પહેલો ક્રિકેટર બનીને ઈતિહાસ રચ્યો છે. ચેન્નાઈ સુપર કિંગ્સનાં કેપ્ટન ધોનીની આઈપીએલ 2020નાં રિટેંશન ડે પહેલાની કમાણી 137 કરોડથી વધારે હતી પણ જ્યારથી ધોનીનો કોન્ટ્રાક્ટ વધારવામાં આવ્યો ત્યારથી ભારતે આ દિગ્ગજ પ્લેયરે પોતાનું નામ રેકોર્ડ બુકમાં સમાવ્યુ છે. ધોની 2008થીજ સીએસકેની કપ્તાની કરી રહ્યો છે. તેનુ વેતન હવે 15 કરોડ રુપિયા છે જે 2018થી આ રકમ કમાઈ રહ્યો છે.

2008માં સૌથી મોંઘો પ્લેયર હતો
મહેન્દ્રસિંહ ધોની આઈપીએલનાં 2008નાં ઓક્શનમાં સૌથી મોટો પ્લેયર હતો અને આશ્ચર્યરુપે તે સૌથી મોંઘો પ્લેયર પણ રહ્યો હતો. તેને સીએસકેએ 6 કરોડમાં ખરીદ્યો હતો. ત્યારબાદ આગામી ત્રણ વર્ષ સુધી તેની કમાણી એટલી જ રહી હતી. 2011માં બીસીસીઆઈએ રિટેન્શની કિંમત વધારીને 8 કરોડ કરી દીધી હતી. ત્યારબાદ 2011થી 2013ની વચ્ચે આઈપીએલમાં ધોનીની સેલરી 8.28 કરોડ રુપિયા હતી.

રિટેન્શથી રકમમાં વધારો થયો
આઈપીએલ 2014નાં મેગા ઓક્શન પહેલા બીસીસીઆઈએ ફરી એક વાર રિટેન્શનની રકમ વધારી હતી. જેમાં 2014 અને 2015માં આઈપીએલથી ધોનીની કમાણી 12.5 કરોડ રુપિયા થઈ હતી. ત્યારબાદ 2016 અને 2017માં ઘોની સીએસકે પર બેન બાદ રાઈઝિંગ પુણે સુપરજાયંટ્સની સાથે હતો. તે દરમિયાન તેની સેલરી 25 કરોડ રુપિયા હતી.

3 વખત આઈપીએલનો ખિતાબ હાંસલ કર્યો
ત્રણ વખત આઈપીએલનો ખિતાબ હાંસલ કરનાર કપ્તાને 2018માં લીગમાં વાપસી કરીને ધોનીએ 60 કરોડ કમાયા અને 150 કરોડ રુપિયા થઈ વધારેના સંયુક્ત વેતન ધરાવનાર એકમાત્ર ધોની જ છે. સતત ચોથી સિઝનમાં વિરાટ કોહલીની સરખામણીએ 2 કરોડ રુપિયા ઓછા કમાયા હોવા છતા મુંબઈ ઇન્ડિયન્સનાં કેપ્ટન રોહિત શર્મા આરસીબીનાં કેપ્ટનથી આગળ છે.

રોહિતે 146.6 કરોડ કમાયા
રોહિત શર્મા જે આઈપીએલની શરુઆતથી જ સૌથી વધારે વેતન મેળવનાર ખેલાડીઓમાંથી એક છે. અત્યારસુધી તેણે 146.6 કરોડ રુપિયાથી વધારેની કમાણી કરી છે. તે 2018થી મુંબઈ ઈન્ડિયન્સમાંથી 15 કરોડ રુપિયા સિઝનમાં કમાઈ રહ્યો છે. બીજી તરફ વિરાટ કોહલી 2018થી પ્રતિ સિઝન 17 કરોડ કમાણી સાથે ત્રીજા ક્રમે છે.

રોહિત અને ધોનીની કમાણીમાં 2 કરોડનો વધારો
વિરાટ કોહલીએ અત્યારસુધી આઈપીએલમાં 143.2 કરોડ રુપિયા કમાયા છે. રોહિત અને ધોનીનાં 2 કરોડ રુપિયાનો વધારો વિરાટ કોહલીનાં આઈપીએલ કરિયર સાથે મુખ્ય આકર્ષણ રહ્યું. હવે જોવાનું રહ્યું કે વિરાટ કોહલી ધોની અને રોહિતને કમાણીની રેસમાં પાછળ છોડી શકે છે કે નહીં.