IPL 2023 / ધોની અને પંડયાએ રાખવું પડશે ધ્યાન! બસ આટલી વખત જીતી છે IPLની ઓપનિંગ મેચ રમનાર ટીમ

• IPL2023 પહેલી મેચ ગુજરાત ટાઇટન્સ અને ચેન્નાઈ સુપર કિંગ્સ વચ્ચે 
• ધોની અને પંડયાના પક્ષમાં નથી આ આંકડા 
• 2008 થી અત્યાર સુધી IPLની 15 સીઝન રમાઈ

ઈન્ડિયન પ્રીમિયર લીગ (IPL) 2023 સીઝન 31 માર્ચથી શરૂ થઈ રહી છે અને આઈપીએલની પહેલી મેચ ડિફેન્ડિંગ ચેમ્પિયન ગુજરાત ટાઇટન્સ (GT)ની ચેન્નાઈ સુપર કિંગ્સ (CSK) સામે મહેન્દ્ર સિંહ ધોનીની કપ્તાનીમાં રમવાની છે. સાથે જ ગુજરાતની ટીમની કમાન હાર્દિક પંડ્યાના હાથમાં છે. નોંધનીય છે કે નવી ટીમ ગુજરાતની આ બીજી આઈપીએલ સિઝન છે. 

આપણે બધા જાણીએ છીએ કે વર્ષ 2022માં તેની પહેલી જ સિઝનમાં ગુજરાત ટાઇટન્સ એ આ ખિતાબ જીત્યો હતો પણ IPL 2023ની શરૂઆત પહેલા ધોની અને પંડ્યા માટે કેટલાક ચોંકાવનારા આંકડાઓ સામે આવી રહ્યા છે.

ધોની અને પંડયાના પક્ષમાં નથી આ આંકડા 
જણાવી દઈએ કે 2008 થી અત્યાર સુધી IPLની 15 સીઝન રમાઈ છે. જેમાંથી સિઝનની ઓપનિંગ મેચ રમી રહેલી બે ટીમોમાંથી કોઈ એક ટીમ માત્ર 5 વખત જ ચેમ્પિયન બની છે. સાથે જ આ ટીમમાં પણ એ જ ટીમ ત્રણ વખત ચેમ્પિયન બની છે જેણે ઓપનિંગ મેચ જીતી છે. જ્યારે IPLની ઓપનિંગ મેચ હારી ગયેલી ટીમ સિઝનમાં 2 વખત ચેમ્પિયન બની છે. 

આવી સ્થિતિમાં આ આંકડા ધોની અને પંડ્યાના પક્ષમાં બહુ ઓછા જતા જણાય છે. આ જ કારણ છે કે ધોની અને પંડ્યાએ આ વખતે વધુ સાવધ રહેવું પડશે કારણ કે તેમની ટીમ વર્તમાન સિઝનની પહેલી મેચ રમવાની છે.

IPL ઓપનિંગ મેચ રમનાર ટીમ અને વિનર 
- માત્ર 5 વખત (2011, 2014, 2015, 2018, 2020) ઓપનિંગ મેચ રમનાર ટીમ ચેમ્પિયન બની
- માત્ર 3 વખત (2011, 2014, 2018) ઓપનિંગ મેચ જીતનાર ટીમ ચેમ્પિયન બની
- માત્ર 2 વખત (2015, 2020) ઓપનિંગ મેચ હારીને ચેમ્પિયન બની હતી (નોંધનીય છે કે મુંબઈની ટીમે બંને વખત આ કારનામું કર્યું છે)

સૌથી વધુ મુંબઈ ઈન્ડિયન્સ 5 વખત જીતી 
મુંબઈ ઈન્ડિયન્સ (2013, 2015, 2017, 2019, 2020) IPL ઈતિહાસમાં સૌથી વધુ ટાઈટલ જીતવાનો રેકોર્ડ છે. રોહિત શર્માની કેપ્ટન્સીમાં મુંબઈએ આ તમામ ખિતાબ જીત્યા છે. આ સિવાય ધોનીની કપ્તાનીમાં ચેન્નાઈની ટીમે બીજી સૌથી વધુ 4 વખત (2010, 2011, 2018, 2021) ટાઇટલ જીત્યું છે.

કોલકાતા નાઈટ રાઈડર્સ (KKR) બે વખત ચેમ્પિયન બની (2012, 2014). જ્યારે હૈદરાબાદ ફ્રેન્ચાઇઝીએ પણ બે વખત ટાઇટલ જીત્યું છે (ડેક્કન ચાર્જર્સ 2009, સનરાઇઝર્સ હૈદરાબાદ 2016). આ ત્રણ ટીમો સિવાય રાજસ્થાન રોયલ્સ (2008) અને ગુજરાત ટાઇટન્સ (2022) 1-1 વખત ટાઇટલ જીતી ચૂકી છે.

આ ટીમો ટાઈટલ જીતી શકી નથી
રોયલ ચેલેન્જર્સ બેંગ્લોર (RCB), દિલ્હી કેપિટલ્સ (DC), પંજાબ કિંગ્સ (PBKS) એવી ફ્રેન્ચાઇઝી છે, જે IPLની શરૂઆતથી જ રહી છે, પરંતુ એક વખત પણ ટાઇટલ જીતી શકી નથી. છેલ્લી સિઝનમાં લખનૌ સુપર જાયન્ટ્સ પણ નવી ટીમ સાથે જોડાઈ હતી જે આ ટાઇટલ જીતી શકી નથી.