બોલીવૂડ અભિનેત્રી સાન્યા મલ્હોત્રા તેની ફિલ્મ પગલેટને લઇને ચર્ચામાં છે ત્યારે તેણે 6 વર્ષ જુનો ખુલાસો કર્યો છે. જેમાં ડાન્સર ધર્મેશે તેને રિજેક્ટ કરી હતી તે વાત કરી છે.
ડાન્સ દિવાનેમાં સાન્યા
હાલમાં જ સાન્યા મલ્હોત્રા કલર્સ ટીવીના રિયાલીટી શો ડાન્સ દિવાને સિઝન-3માં પહોંચી હતી. આ દરમિયાન સાન્યાએ પોતાની ફિલ્મ પગલેટ વિશે વાતચીત કરી હતી સાથે જ ધર્મેશ સાથે જોડાયેલો કિસ્સો શૅર કર્યો હતો.
સાન્યાએ આપ્યુ હતુ ઓડિશન
મહત્વનુ છે કે સાન્યાએ શો ડાન્સ ઇન્ડિયા ડાન્સમાં ઓડિશન આપ્યુ હતુ અને તેમાં ધર્મેશે તેને રિજેક્ટ કરી દીધી હતી. સાન્યાએ કહ્યું કે, આજે મારા જીવનનું એક સર્કલ પુરુ થઇ ગયુ છે. 6 વર્ષ પહેલા હુ ડાન્સ ઇન્ડિયા ડાન્સમાં આવી હતી અને ઓડિશન પાસ નહોતી કરી શકી.
ધર્મેશે કરી હતી રિજેક્ટ
સાન્યાએ કહ્યું કે, મને યાદ છે રાતના એક વાગ્યા હતા અને હું ત્યાંથી ફ્રી થઇ હતી. હું ધર્મેશના કારણે ઓડિશન પાસ નહોતી કરી શકી પરંતુ હવે હું અહીંયા ફિલ્મના પ્રમોશન માટે આવી છું. સાન્યાની વાત સાંભળીને બધા જ ચોંકી ગયા અને તેની સ્ટ્રગલની પ્રશંસા કરવા લાગ્યા હતા.
ધર્મેશે કરી પ્રશંસા
આખો કિસ્સો સાંભળ્યા બાદ લોકોએ અને ધર્મેશે સાન્યાની પ્રશંસા કરી હતી. ધર્મેશે કહ્યું, સાન્યા કોઇ પણ વ્યક્તિ માટે પ્રેરણાદાયી ઉદાહરણ છે, જે રિજેક્શનનો સામનો કરે છે અને આગળ વધે છે. મહત્વનુ છે કે આમિર ખાનની ફિલ્મ દંગલથી ડેબ્યુ કરનારી સાન્યા કેટલીક ફિલ્મોમાં પોતાનુ હુનર બતાવી ચૂકી છે.