દેઓલ ફેમિલીની ત્રીજી પેઢી સિલ્વર સ્ક્રિન પર ડેબ્યૂ કરવા માટે તૈયાર છે. ધમેન્દ્રના પૌત્ર અને સની દેઓલના દિકરા કરણ દેઓલની ફિલ્મ 'પલ-પલ દિલ કે પાસ' નું ટ્રેલર રિલીઝ કરવામાં આવ્યુ છે.
ફિલ્મના ટ્રેલર લોન્ચ ઇવેન્ટ પર કરણ દેઓલને સપોર્ટ કરવા માટે ધર્મેન્દ્ર પોતે આવ્યા હતા. ફિલ્મ 'પલ-પલ દિલ કે પાસ' માં કરણ અને એક્ટ્રેસ સહર બામ્બા બોલિવુડમાં ડેબ્યૂ કરવા જઇ રહ્યા છે. આ ફિલ્મને સની દેઓલે પોતે ડિરેક્ટ કરી છે.
ફિલ્મ 'પલ-પલ દિલ કે પાસ' ના ટ્રેલર લોન્ચ પર ફિલ્મની સ્ટાર કાસ્ટની સાથે સની દેઓલ જોવા મળ્યો ન હતી. સની દેઓલ બટાલા ફેક્ટરીમાં બ્લાસ્ટ પીડિતોને મળવા માટે ગુરદાસપુર પહોંચ્યો છે. આજ કારણે સની દેઓલ પોતાના દિકરાની ડેબ્યૂ ફિલ્મના ટ્રેલર લોન્ચમાં પહોંચ્યો નહી હોય.
કેવુ છે ટ્રેલર:
'પલ-પલ દિલ કે પાસ' ના 2 મિનિટ 17 સેકન્ડના ટ્રેલરમાં સૌથી વધુ હાઈલાઈટ ફિલ્મના લોકેશનમાં છે. સિનેમેટોગ્રાફી કમાલની છે. ફિલ્મનું શૂટિંગ લદ્દાખ તથા હિમાચલ પ્રદેશમાં કરવામાં આવ્યું છે. સનીના દિકરા કરણની એક્ટિંગ જોઇએ તેવી ઈમ્પ્રેસિવ લાગી નથી રહી. ટ્રેલર જોઇને લાગી રહ્યુ છે કે, તેણે એક્ટિંગ સ્કિલ્સ પર ઘણી જ મહેનત કરવાની જરૂર છે. ટ્રેલરમાં સહર તથા કરણની કેમિસ્ટ્રી તથા લવ સ્ટોરી બતાવવામાં આવી છે. ટ્રેલરમાં કરણનો રોમેન્ટિક તથા એક્શન અવતાર જોવા મળી રહ્યો છે.
સની દેઓલના દિકરા કરણ દેઓલની ફિલ્મ 'પલ-પલ દિલ કે પાસ' 20 સપ્ટેમ્બરના રોજ રિલીઝ કરવામાં આવશે.