Viral / 85 વર્ષની જૈફ વયે પણ એક્ટર ધર્મેન્દ્રની તરણકળા યુવાનોને શરમાવે તેવી, જુઓ વાયરલ VIDEO

• બોલીવુડ અભિનેતા ધર્મેન્દ્રની ઉંમર 85 વર્ષની
• જૈફ વયે પણ યુવાનોને શરમાવે તેવી સ્ફૂર્તિ અને ચપળતા ધરાવે છે
• નિયમિત યોગ અને હળવી કસરતો કરે છે

ધર્મેન્દ્ર હેલ્થ અંગે ઘણા સભાન છે. હાલમાં લોનાવાલા ફાર્મહાઉસમાં રહેતા ધર્મેન્દ્ર દરરોજ યોગા અને હળવી કસરત કરે છે. પરંતુ હવે ધર્મેન્દ્રે પાણીમાં કસરત કરવાનું શરુ કર્યું છે અને પાણીમાં છબછબિયા કર્યાનો એક વીડિયો વાયરલ થતા લોકોને ખૂબ મજા પડી હતી.

સ્વીમિંગ પુલમાં કસરતનો વીડિયો શેર કર્યો

ધર્મેન્દ્ર મંગળવારે પોતાના પૂલમાં કસરત કરી રહ્યાંનો એક વીડિયો પોસ્ટ કર્યો હતો જે વાયરલ થયો હતો. વાયરલ વીડિયોમાં ધર્મેન્દ્ર સ્વીમિંગ પૂલમાં છબછબિયા કરી રહેલા તથા અવનવી રીતે તરી રહેલા જોઈ શકાયા હતા. વીડિયોને પોસ્ટ કરતા ધર્મેન્દ્રે લખ્યું કે મિત્રો અને ચાહકોના આર્શીવાદથી તથા ભગવાનની દયાથી મેં યોગ અને હળવી કસરતની સાતે હવે પાણીમાં પણ કસરત કરવાનું શરુ કર્યું છે. જીવનને ધબકતું રાખવા હેલ્થ મને મળેલો આર્શીવાદ છે. ખુશ રહો, તંદુરસ્ત રહો અને મજબૂત રહો.

Friends, with his blessings and your good wishes ...I have started water aerobics along with Yoga and light exercise . Health is his great blessing to keep going. Be happy healthy and strong 🙏 pic.twitter.com/XtjiOXW5AK

— Dharmendra Deol (@aapkadharam) June 7, 2021

ઉલ્લેખનીય છે કે બોલીવુડ અભિનેતા ધર્મેન્દ્ર અવારનવાર પોતાના ફાર્મહાઉસમાં ચાહકોને ડોકિયું કરાવતા હોય છે. તાજેતરમાં તેમણે ઈસ્ટાગ્રામ પર તેમની લવલી ડ્રાઈવ ટુ ગ્રીન હિલસાઈડની મુલાકાતનો વીડિયો શેર કરીને લખ્યું હતું કે મિત્રો, હરિયાળી પહાડીની ખુબસુરત મુલાકાતે જઈ છું. જંગલમાં મારી ગાયો અને ભેંસોને ચરતી જોવા માંગું છું. મારી પોસ્ટ પર ખૂબસુરત પ્રત્યુત્તર આપવા તમારો સૌનો પ્રેમપૂર્ણ આભારી.