માન્યતા / જેઠ અમાવસ્યા પર ઘરે બેઠાં કરો આ ખાસ મંત્રોનો જાપ, શિવજી થશે પ્રસન્ન, મળશે પિતૃદોષથી મુક્તિ

સોમવતી અમાવસ્યા

જ્યારે અમાવસ્યા સોમવારના દિવસે આવે છે, ત્યારે તેને સોમવતી અમાવસ્યા કહેવાય છે. માન્યતા અનુસાર, આ દિવસે ભગવાન મહાદેવની પૂજા તેમજ કેટલાક વિશિષ્ટ મંત્રોના જાપથી શિવજી તથા પિતૃદેવતાઓ પ્રસન્ન થાય છે. આથી પિતૃદોષથી મુક્તિ મળે છે અને જીવનમાં સુખ-શાંતિ તથા સમૃદ્ધિ પ્રવેશે છે.

હિંદુ ધર્મમાં જેમ પૂર્ણિમાને મહત્વ આપવામાં આવે છે તેમ અમાવસ્યાને પણ વિશેષ મહત્વ છે. કહેવાય છે કે આ દિવસે પિતૃઓ માટે તર્પણ અને પિંડદાન કરવાથી પિતૃદોષ દૂર થાય છે. જ્યારે આ અમાવસ્યા સોમવારે આવે છે ત્યારે તેનું મહત્વ ઘણું વધી જાય છે.

આ દિવસે ભગવાન ભોળાનાથની પૂજા ઉપરાંત કેટલાક ખાસ મંત્રોના જાપ કરવાથી વ્યક્તિને મહાદેવની કૃપા પ્રાપ્ત થાય છે અને પિતૃદોષથી મુક્તિ મળે છે.

સોમવતી અમાવસ્યા ક્યારે છે?

હિંદુ પંચાંગ મુજબ, જેઠ મહિનાની અમાવસ્યા તિથિ 26 મે 2025ના રોજ બપોરે 12 વાગીને 11 મિનિટે શરૂ થશે અને 27 મેના રોજ સવારે 8 વાગીને 31 મિનિટે પૂર્ણ થશે. તેથી સોમવતી અમાવસ્યા 26 મે, 2025ના રોજ મનાવવામાં આવશે.

પિતૃ મંત્રો

• ॐ પિતૃ દેવતાયૈ નમઃ
• ॐ પિતૃ ગણાય વિદ્યમહે જગતધારિણે ધીમહિ તન્નો પિત્રો પ્રચોદયાત્।
• ॐ દેવતાભ્યઃ પિતૃભ્યશ્ચ મહાયોગિભ્ય એવ ચ નમઃ સ્વાહાયૈ સ્વધાયૈ નિત્યમેવ નમો નમઃ।
• ॐ આદ્યભૂતાય વિદ્યમહે સર્વસેવ્યાય ધીમહિ શિવશક્તિસ્વરૂપેણ પિતૃદેવ પ્રચોદયાત્।

પિતૃ તર્પણ માટેના મંત્રો:

• "ગોત્રે અસ્મતપિતા (પિતાનું નામ) શર્મા વસુરૂપત્ તૃપ્યતમિદં તિલોદકં ગંગાજલં વા તસ્મૈ સ્વધા નમઃ" – ત્રણ વખત બોલવું
• માતા માટે પણ આવો જ મંત્ર છે, માત્ર માતાનું નામ ઉલ્લેખ કરવું.

પિતૃ નિવારણ સ્તોત્ર

• આ સ્તોત્ર પિતૃદેવોની આરાધના માટે છે.

"અર્ચિતાનામમૂર્તાનાં પિતૃણાં દીપ્તતેજસામ્ ।

નમસ્યામિ સદા તેષાં ધ્યાનિનાં દિવ્યચક્ષુષામ્।।"

• "ઇન્દ્રાદીનાં નેતારોઃ દક્ષ, મરીચિ અને અન્ય પિતૃદેવતાઓને નમન કરાય છે.
• મનુઓ, ગ્રહો-નક્ષત્રો, દિક્પાલો, દેવઋષિઓ, બ્રહ્માદિઓ અને યોગી પિતૃદેવતાઓને પણ નમસ્કાર કરાય છે.
• અંતે, બધા પિતૃદેવો, યોગીઓ તથા ભગવાન સોમને પણ નમન અને કૃપા વિનંતી કરાય છે."

પિતૃ કવચ

• આ સંરક્ષણ માટેનું કવચ છે ,દુષ્ટ શક્તિઓથી રક્ષણ માટે
• "કૃણુષ્વ પાજઃ પ્રસિતિમ્ ન પૃથ્વીમ્ યાહી રાજેવ અમવાન્ ઇભેન"
• "અગ્નિદેવ દુષ્ટ શક્તિઓનો નાશ કરે છે અને પિતૃદોષથી બચાવે છે,
• તેથી આ મંત્રોના જાપથી શરીર અને આત્મા પર કોઈ નકારાત્મક અસર થતી નથી."
• આ કવચ એ પિતૃશાંતિ માટે અને દુઃખ, દુશ્મન અને દુરભાગ્યથી બચાવ માટે કહેવામાં આવે છે.

વધુ વાંચો: ભિખારી બનાવી દેશે પુરુષો દ્વારા કરવામાં આવેલા આ કાર્યો, ઘરમાં નહીં ટકે એક પણ રૂપિયો!

જેઠ મહિનાની સોમવતી અમાવસ્યા, 26 મે 2025 એ ખૂબ શુભ દિવસ છે. આ દિવસે ભગવન શિવ તથા પિતૃદેવો માટે વિશેષ પૂજા અને મંત્રોચ્ચાર કરવાથી દુઃખોનો નાશ થાય છે, પિતૃદોષથી મુક્તિ મળે છે અને જીવનમાં સુખ, શાંતિ અને સમૃદ્ધિ આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ