રથયાત્રા 2025 / કેમ દર વર્ષે રથયાત્રા પર બનાવાય છે નવો રથ? તો પછી જૂના રથનું શું કરાય છે? જાણો મહત્વ

ભારતમાં દર વર્ષે ભવ્ય રીતે ઉજવાતી જગન્નાથ રથયાત્રા દેશ-વિદેશથી ભક્તોને આકર્ષે છે. ભગવાન જગન્નાથ, ભાઈ બલભદ્ર અને બહેન સુભદ્રા માટે દર વર્ષે નવા રથ બનાવવામાં આવે છે. આ રથયાત્રા માત્ર ધાર્મિક ઉત્સવ નથી, પણ એક ગહન ઐતિહાસિક અને સાંસ્કૃતિક પરંપરા પણ છે.

તમે શંકા રાખી શકો કે જ્યારે દર વર્ષે નવા રથ બનાવવામાં આવે છે, ત્યારે જૂના રથોનું શું થાય છે? શું એ ઘેર લઈ જઈ શકાય છે? શું તેનો કોઈ અન્ય ઉપયોગ થાય છે? ચાલો જાણીએ એ તમામ પ્રશ્નોના જવાબ.

રથના ભાગોની હરાજી

જગન્નાથ રથયાત્રા પૂરી થયા પછી ત્રણેય પવિત્ર રથોના ભાગોને સાવધાનીપૂર્વક અલગ કરવામાં આવે છે. ત્યારબાદ તેના કેટલાક ભાગોની હરાજી કરવામાં આવે છે જેથી ભક્તો તેને પોતાના ઘરમાં રાખી તેની પૂજા કરી ભગવાન જગન્નાથનો આશીર્વાદ મેળવી શકે. આ પવિત્ર રથોના નાના ભાગને પણ સાથે લઈ જવાનું ભક્તો માટે એક અદભુત અવસર હોય છે.

પહેલાંથી અરજી કરવી પડે છે

રિપોર્ટ્સ અનુસાર રથના ભાગોને હરાજી દ્વારા મેળવવા માટે ભક્તોને અગાઉથી ઑનલાઈન અરજી કરવી પડે છે. આ માટે શ્રી જગન્નાથ વેબસાઈટ પર વિગતવાર માહિતી આપવામાં આવી છે. જેમાં ભક્તો સૌથી વધુ રથના પૈડાં મેળવવાનો પ્રયત્ન કરે છે. મંદિર આ ભાગોની ભક્તોને હરાજી કરતાં વખતે આ પણ સુનિશ્ચિત કરે છે કે પવિત્ર રથોના આ ભાગોનો ખોટી રીતે ઉપયોગ ન થાય, કારણ કે આ એક પવિત્ર ધરોહર જેવી વસ્તુ હોય છે.

મંદિરના રસોડામાં રથની લાકડીઓનો ઉપયોગ

આ ઉપરાંત રથમાંથી બચેલી લાકડીઓનો ઉપયોગ મંદિરના રસોડામાં મહાપ્રસાદ બનાવવામાં થાય છે. આ માટે લાકડીઓને સીધી મંદિરના રસોડામાં મોકલવામાં આવે છે. જ્યાં આ પવિત્ર લાકડીઓ ભગવાન માટેના મહાપ્રસાદ બનાવવાના ઇંધણ તરીકે ઉપયોગ થાય છે. આ પણ એક અદભુત વાત છે કે જેના લાકડાથી ભગવાનનો રથ બને છે, તે જ લાકડાથી પછી તેમના ભોગ માટેનો પ્રસાદ તૈયાર થાય છે.

વધુ વાંચો: 30 જૂનના રોજ બની રહ્યો છે એવો યોગ, જે આ જાતકો પર વરસાવશે મુસીબતોનો વરસાદ

જગન્નાથ રથયાત્રા એ માત્ર ધાર્મિક યાત્રા નથી, પણ ભક્તિ, પરંપરા અને આધ્યાત્મિક શ્રદ્ધાનું અદભુત મિલન છે. દર વર્ષે નવા રથ બને છે અને જૂના રથોનું પવિત્રતાપૂર્વક વિસર્જન થાય છે. તેનો ભાગ ભક્તોને આપવા માટે હરાજી થાય છે અને બચેલી લાકડી ભગવાનના ભોગ માટે ઈંધણરૂપે ઉપયોગમાં લેવાય છે. આ પરંપરા દર્શાવે છે કે ભગવાનના સેવા અને શ્રદ્ધાનો એક પણ તણખો વ્યર્થ નથી જતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ