ટીમ ઇન્ડિયા અને સાઉથ આફ્રિકાની વચ્ચે 3 મેચની T-20 સીરિઝની પહેલી મેચ કાલે એટલે કે રવિવારના ધર્મશાલામાં HPCA ક્રિકેટ સ્ટેડિયમમાં રમાશે. મેચના પહેલા BCCI એ પોતાના ઑફિશ્યલ ટ્વિટર હેન્ડલથી ગ્રાઉન્ડની ફોટો શૅર કરી છે. ધર્મશાલામાં T-20 માટે શાનદાર પિચ દેખાઇ, પરંતુ વરસાદનો ભય છે.
ધર્મશાલામાં વાદળો છે. હવામાન વિભાગ અનુસાર, ''ધર્મશાલામાં મેચા દિવસે ભારે વરસાદ આવી શકે છે. પહેલી T-20 મેચમાં વરસાદનો ખતરો મંડરાઇ રહ્યો છે.'' હિમાચલ પ્રદેશના હવામાન નિષ્ણાત અનુસાર, ''પ્રદેશમાં આગામી 5 દિવસો સુધી કેટલાક ક્ષેત્રોમાં ભારે વરસાદની સંભાવના છે.''
ધર્મશાલામાં શનિવારે બપોરે પણ વરસાદ પડ્યો હતો. સાઉથ આફ્રિકાનિી ટીમ પ્રેક્ટિસ કરીને હોટલ પરત ફરી, પરંતુ જ્યારે ટીમ ઇન્ડિયા સ્ટેડિમય પહોંચી ત્યારે વરસાદ શરૂ થઇ ગયો. ટીમ ઇન્ડિયાના ઑપનિંગ બેટ્સમેન વિરાટ કોહલીએ લગભગ 10 મિનિટ સુધી બેટિંગ પ્રેક્ટિસ કરી અને વરસાદ શરૂ થતા તે પરત ફર્યો.
ધર્મશાલાની પિચ હરેલીભરેલી દેખાઇ રહી છે જે ફાસ્ટ બૉલર્સ માટે મદદરૂપ થશે પરંતુ જો વરસાદ આવશે તો પિચ ભીની રહેશે જેથી ફાસ્ટ બૉલર્સ માટે મુશ્કેલી પડશે. તમને જણાવી દઇએ કે, T-20 સીરિઝ માટે જસપ્રીત બુમરાહ, મોહમ્મદ શામી, ભુવનેશ્વર કુમારને આરામ આપ્યો છે. જ્યારે સાઉથ આફ્રિકાની પાસે કૈગિસો રબાડા જેવા ખેલાડી છે જે ટીમ ઇન્ડિયાના બેટ્સમેન માટે મુશ્કેલીરૂપ છે. બંને ટીમ બેલેન્સ કરવા માટે પ્રયત્ન કરી રહી છે.
ટીમ ઇન્ડિયા ધર્મશાલા પછી બીજી T-20 મેચ પંજાબના મોહાલીમાં રમશે, જ્યારે ત્રીજી અને અંતિમ મેચ બેંગ્લોરના એમ.ચિન્નસ્વામી સ્ટેડિયમમાં રમશે. T-20 સીરિઝ પછી ટીમ ઇન્ડિયા અને સાઉથ આફ્રિકા વચ્ચે 3 મેચની ટેસ્ટ સીરિઝ પણ રમશે, , જે ICC વર્લ્ડ ટેસ્ટ ચેમ્પિયનશિપનો ભાગ છે. ટીમ ઇન્ડિયા હાલમાં ICC ટેસ્ટ રેન્કિંગમાં નંબર 1 પર છે.