ગુજરાતમાં હાલ કોરોના કાળમાં પેટાચૂંટણી યોજાવા જઇ રહી છે. ત્યારે રાજ્યમાં ચૂંટણી સમયે ફરી નેતાઓનું પક્ષાંતરણ જોવા મળી રહ્યું છે. જેમાં ધંધૂકાના પૂર્વ MLA લાલજી મેરની પેટાચૂંટણીમાં ઘર વાપસી થઇ છે. પ્રદેશ પ્રમુખ સી આર પાટીલની હાજરીમાં કેસરિયો ખેસ ધારણ કર્યો છે.
ધંધુકાના પૂર્વ MLA લાલજી મેર ભાજપમાં જોડાયા
કોળી સમાજના 20થી વધુ આગેવાનો પણ ભાજપમાં જોડાયા
સી.આર.પાટીલની હાજરીમાં જોડાયા ભાજપમાં
હાલુ ગુજરાતમાં પેટાચૂંટણીને લઇને રાજકીય માહોલ ગરમ જોવા મળી રહ્યો છે. કોંગ્રેસમાંથી રાજીનામું આપી ભાજપમાં ધારાસભ્યો જોડાતાં રાજ્યમાં હાલ પેટાચૂંટણી આવી છે. ત્યારે ધંધુકાના પૂર્વ MLA લાલજી મેર ભાજપમાં જોડાયાં છે.
ઉલ્લેખનીય છે કે ભાજપ અને કોંગ્રેસ દ્વારા કોળી સમાજનું પ્રભુત્વ ધરાવતી લીંબડી બેઠક પરથી અન્ય સમાજના ઉમેદવારને ટીકીટ આપી છે. ભાજપ દ્વારા કિરિટસિંહ રાણા વિધાનસભાની પેટાચૂંટણીના ઉમેદવાર છે.
ત્યારે આજરોજ ભાજપ પ્રદેશ પ્રમુખ સી આર પાટીલના કાર્યક્રમમાં ધંધૂકાના પૂર્વ MLA લાલજી મેર કોળી સમાજના 20થી વધુ આગેવાનો સાથે ભાજપમાં જોડાયાં. આમ પેટાચૂંટણી દરમિયાન લાલજી મેરની ઘર વાપસી થઇ છે.