ગૃહરાજ્ય મંત્રી હર્ષ સંઘવીનું નિવેદન કહ્યું આ હત્યા એક કોન્સ્પીરેસી છે, મૌલવીએ યુવાનોને રિવોલ્વર અને પાંચ કારતૂસ આપ્યા, હત્યારાઓ કેવી રીતે પ્રેરિત થયા તેની માહિતી મેળવાઈ
ગૃહરાજ્ય મંત્રી હર્ષ સંઘવીનુ નિવેદન
20 દિવસની દીકરીને ન્યાય અપાવીશુઃ સંઘવી
અમદાવાદ જિલ્લાની તમામ પોલીસ તપાસમાં લાગી છે
અમદાવાદના ધંધુકામાં માલધારી સમાજના યુવકની હત્યા કરી મામલે પોલીસને આરોપીઓના CCTV ફૂટેજ સામે આવ્યાં છે. મામલાની ગંભીરતાને જોઈ આજે રાજ્યના ગૃહરાજ્યમંત્રી હર્ષ સંઘવીએ ખુદ ધૂંધકા જઈ પોલીસ તપાસ કઈ દિશામાં થઈ રહી છે તેની માહિતી લીધી હતી અને મહત્વના આદેશ પણ પોલીસને આપ્યા હતા. જે બાદ હર્ષ સંઘવીએ નિવેદન આપતા કહ્યું હતું કે પોલીસની અલગ અલગ ટિમો બનાવવામાં આવી છે. આરોપીઓને કડકમાં કડક સજા કરી 20 દિવસની દીકરીને ન્યાય અપાવીશુ.
યુવકોને રિવોલ્વર આપનાર મૌલવી સામાન્ય વ્યક્તિ નથી: ગૃહરાજ્ય મંત્રી
વધુમાં મુદ્દા પર પ્રકાશ પાડતા ગૃહરાજ્ય મંત્રીએ કહ્યું હતું કે અલગ અલગ પાસા પર તપાસ કરવામા આવી છે. આ હત્યા એક કોન્સ્પીરેસી છે. બે યુવાનોને અમે પકડી લીધા છે પણ યુવકોને રિવોલ્વર આપનાર મૌલવી સામાન્ય વ્યક્તિ નથી. અમદાવાદ જિલ્લા પોલીસે મૌલવીને પડક્યા છે. મૌલવીએ યુવાનોને રિવોલ્વર અને પાંચ કારતૂસ આપ્યા છે. તેમજ હત્યારાઓ કેવી રીતે પ્રેરિત થયા તેની માહિતી મેળવવામાં આવી છે.
સારામા સારા વકીલને સરકાર રોકશે: મંત્રી હર્ષ સંઘવી
કિશનના હત્યારાઓને સજા જરૂર અપાવીશુ જે માટે આ કેસમાં સારામા સારા વકીલને સરકાર રોકશે. પોલીસ 3 દિવસથી સતત કામ કરી રહી હતી અને તમામ દિશા તપાસ કરી રહી છે
સૌ સંગઠનો સાથે અમે વાતચિત કરી રહ્યા છે. અમદાવાદ જિલ્લાની તમામ પોલીસ તપાસમાં લાગી છે
પિડીત પરિવારની મુલાકાત લીધી
અમદાવાદના ધંધુકામાં માલધારી યુવકની અજાણ્યા શખ્સોએ કરેલી હત્યામાં રાજ્યભરમાં ઘેરા પ્રત્યાઘાત છે. બીજી તરફ આ મામલે રાજ્યનાં ગૃહમંત્રી આજે ધંધુકા ખાતે પહોંચીને સમગ્ર ઘટના મામલે ઉચ્ચ પોલીસ અધિકારીઓ સાથે બેઠક કરી હતી આ દરમિયાન તેઓએ મૃત પામનાર યુવાનના ઘરના પરિવાર સાથે બેઠક કરી હતી અને ખાતરી આપી હતી કે, તેમને ઝડપથી ન્યાય મળશે, આ મામલે ગુજરાત પોલીસ સતત કાર્યરત છે.
અજંપાભરી સ્થિતિ પર પૂરતું નિયંત્રણ
આ અંગે પોલીસ સુત્રોના જણાવ્યા અનુસાર ધંધૂકામાં આજે સવારથી માહોલ શાંત છે. કેટલાક લોકો વિરોધપ્રદર્શન કરી રહ્યા છે જેથી SP સહિતના અધિકારીઓ દ્વારા પોલીસ બંદોબસ્ત ગોઠવી દેવામાં આવ્યો છે.પોલીસ દ્વારા પણ મૃતકના આરોપીની શોધખોળ કરવામાં આવી છે, આરોપી ધરપકડની નજીકમાં છે જેને પકડીને જેલને હવાલે કરવામાં આવશે.