હૃદયદ્રાવક VIDEO / લાચાર મા અને હાથમાં 20 દિવસની પૌત્રી, કિશન ભરવાડના પરિવારના દ્રશ્યો જોઈ કમકમી જશો

• 'હત્યા પાછળ મૌલવીઓનો હાથ અને ષડયંત્ર'
• '20 દિવસની દિકરીને ન્યાય અપાવીશું'
• 'સરકાર સારામાં સારા વકીલ રોકશે'

ધંધુકા ફાયરિંગમા ફાયરિંગ કરી હત્યા મામલે ગૃહ રાજ્યમંત્રી હર્ષ સંઘવીએ ચચાણા ગામે મૃતકના પરિવાર સાથે મુલાકાત કરી હતી. પરિવારને ન્યાયનો દિલાસો આપતા મૃતકની 20 દિવસની દીકરીને હાથમાં લઇ વ્હાલ પણ કર્યું હતું. અને કહ્યું હતું કે આ 20 દિવસની દીકરીને હું ઝડપી ન્યાય અપાવીશ. કોઈ આરોપીને છોડવામાં આવશે નહીં કડકમાં કડક સજા થશે.ગૃહરાજ્યમંત્રીની મુલાકાત દરમિયાન પરિવાર એકદમ ભાવુક થઈ ગયો હતો. વાતાવરણ શોકમગ્ન થઈ ગયું હતુ. ગૃહરાજ્યમંત્રીએ ઘૂટણ પર બેસી દીકરીના માથે હાથ ફેરવ્યો હતો, જે બાદ પરિવારજનોને મળી બને તેટલા તાત્કાલિક ન્યાયની ખાતરી આપી હતી.

આ 20 દિવસની દીકરીના પિતાની હત્યા અંગે ઝડપી ન્યાયની ખાતરી આપું છું.

ગુજરાતમાં બીજી વખત આવી ઘટના ન બને તેવી કડકમાં કડક કાર્યવાહી કરવામાં આવશે. pic.twitter.com/IWRnI9XOGs

— Harsh Sanghavi (@sanghaviharsh) January 28, 2022

ભારે હૈયે પરિવારજનોની મુલાકાત કરી: હર્ષ સંઘવી
હર્ષ સંઘવીએ ટ્વીટ કરી કહ્યું 20 દિવસની દીકરીના પિતાને ટૂંક સમયમાં ઉચિત ન્યાય આપવા માટે સમગ્ર પોલીસ તંત્ર સતત કાર્યરત છે.આજરોજ મૃતક યુવકના પરિજનો સાથે ભારે હૈયે મુલાકાત લઈ, તટસ્થ ન્યાય માટે સાંત્વના પાઠવી.

ધંધુકા કેસમાં થયેલ હત્યા મામલે આજરોજ મૃતક યુવકના પરિજનો સાથે ભારે હૈયે મુલાકાત લઈ, તટસ્થ ન્યાય માટે સાંત્વના પાઠવી. pic.twitter.com/QVWD6QmUo3

— Harsh Sanghavi (@sanghaviharsh) January 28, 2022

તપાસ કયા પહોંચી છે?
ધંધુકા ફાયરિંગ મામલે પોલીસે અત્યાર સુધીમાં બે આરોપીઓની ધરપકડ કરી છે આ ઉપરાંત ઘટના સ્થળે પોલીસે કાયદો-વ્યવસ્થા જળવાઈ રહે તે માટે એસઆરપીની બે કંપનીઓને તૈનાત કરી છે ધંધુકા માં બનેલી ઘટના મામલે અમદાવાદ રેન્જ આઈ.જી ચંદ્રશેખર અને જિલ્લા એસપી વીરેન્દ્ર યાદવની તપાસ સોંપવામાં આવી છે પોલીસ હાલ બે આરોપીઓને આઇડેન્ટિફિકેશન પરેડ કરાવશે આ ઉપરાંત આજ સાંજ સુધીમાં અમદાવાદ જિલ્લા પોલીસ રિપોર્ટ તૈયાર કરીને સરકારને સોંપશે અમર કયા હેતુથી કરવામાં આવ્યું હતું એની તપાસ હાલ ચાલી રહી છે બે આરોપીઓના ઇન્ટ્રોગેશન માં અન્ય લોકોની સામેલગીરી બાબતે પણ પોલીસ તપાસ કરી રહી છે.

યુવકોને રિવોલ્વર આપનાર મૌલવી સામાન્ય વ્યક્તિ નથી: ગૃહરાજ્ય મંત્રી
વધુમાં મુદ્દા પર પ્રકાશ પાડતા ગૃહરાજ્ય મંત્રીએ કહ્યું હતું કે અલગ અલગ પાસા પર તપાસ કરવામા આવી છે. આ હત્યા એક કોન્સ્પીરેસી છે. બે યુવાનોને અમે પકડી લીધા છે પણ યુવકોને રિવોલ્વર આપનાર મૌલવી સામાન્ય વ્યક્તિ નથી. અમદાવાદ જિલ્લા પોલીસે મૌલવીને પડક્યા છે. મૌલવીએ યુવાનોને રિવોલ્વર અને પાંચ કારતૂસ આપ્યા છે. તેમજ હત્યારાઓ કેવી રીતે પ્રેરિત થયા તેની માહિતી મેળવવામાં આવી છે. 

સારામા સારા વકીલને સરકાર રોકશે: મંત્રી હર્ષ સંઘવી
કિશનના હત્યારાઓને સજા જરૂર અપાવીશુ જે માટે આ કેસમાં સારામા સારા વકીલને સરકાર રોકશે. પોલીસ 3 દિવસથી સતત કામ કરી રહી હતી અને તમામ દિશા તપાસ કરી રહી છે સૌ સંગઠનો સાથે અમે વાતચિત કરી રહ્યા છે. અમદાવાદ જિલ્લાની તમામ પોલીસ તપાસમાં લાગી છે