જ્યોતિ CNCનું ધમણ વેન્ટિલેટર ફરી ચર્ચામાં આવ્યું છે. કારણ કે, વડોદરા SSG હોસ્પિટલમાં આગ મામલે FSLનું તારણ ચોંકવનારું છે. FSLના તારણ મુજબ ધમણ વેન્ટિલેટરમાં આગ લાગી હતી.
ધમણ વેન્ટિલેટર ફરી આવ્યું ચર્ચામાં
SSG હોસ્પિટલમાં આગ મામલે FSLનું તારણ
આગ મુદ્દે અનેક વખત ધમણ પર આક્ષેપ
FSLના રિપોર્ટને પગલે ધમણ તરફ ફરીથી પ્રશ્નો
કોવિડ હોસ્પિટલમાં આગ મુદ્દે અનેક વખત ધમણ પર આક્ષેપ થઈ ચૂક્યા છે. જામનગરની જી.જી.હોસ્પિટલમાં આગમાં પણ ધમણ ચર્ચામાં રહ્યું હતું ત્યારે એકવાર ફરીથી FSLના રિપોર્ટને પગલે ધમણ તરફ ફરીથી પ્રશ્નો ઉઠી રહ્યા છે.
CM રૂપાણીએ ધમણ વેન્ટિલેટરને ગુજરાતની સિદ્વી ગણાવી હતી
રાજકોટની જ્યોતિ CNC કંપનીએ ધમણનું ઉત્પાદન કર્યું હતું એટલું જ નહીં પણ CM રૂપાણીએ ધમણ વેન્ટિલેટરને ગુજરાતની સિદ્વી ગણાવી હતી અને અનેક હોસ્પિટલમાં ધમણ વેન્ટિલેટર મોકલવામાં આવ્યા હતા.
ધમણ વેન્ટિલેટરના ઉત્પાદકો સામે તપાસની માંગ
રાજકોટની ઉદય કોવિડ હોસ્પિટલમાં આગમાં પણ ધમણનું નામ ચર્ચાયું હતુ. ઉદય કોવિડ હોસ્પિટલમાં આગ લાગતા 6 લોકોના મોત થયા હતા. ધમણ વેન્ટિલેટરમાં અનેક ક્ષતિઓ હોવાના આક્ષેપ પણ થયા હતા અને ધમણ વેન્ટિલેટરના ઉત્પાદકો સામે તપાસની માંગ ઉઠી હતી.