એક તરફ રાજ્ય (Gujarat) માં દિવસે ને દિવસે મોંઘવારી સતત વૃદ્ધિ કરી રહી છે તો બીજી બાજુ રાજ્યની જનતા પર વધુ એક મોંઘવારીનો માર પડ્યો છે.
DGVCLના ગ્રાહકોએ હવે વીજબિલ વધુ ચૂકવવું પડશે
DGVCLએ પ્રતિ યુનિટ 10 પૈસાનો વધારો કર્યો
DGVCLના 32 લાખ ગ્રાહકો પર 270 કરોડનો બોજો
હવેથી રાજ્ય (Gujarat) માં DGVCLના ગ્રાહકોએ વીજબિલ વધુ ચૂકવવું પડશે. DGVCLએ પ્રતિ યુનિટ 10 પૈસાનો વધારો કર્યો છે. DGVCLએ ફ્યુલ ચાર્જમાં પણ વધારો કર્યો છે. DGVCLએ 200 યુનિટે 20 રૂપિયાનો વધાર્યો કર્યો છે. આ ભાવ વધારો નવા બિલથી અમલમાં મુકાશે.
Gujarat: DGVCLના ગ્રાહકોએ હવે વીજબિલ વધુ ચૂકવવું પડશે, DGVCLએ પ્રતિ યુનિટ 10 પૈસાનો વધારો કર્યો, DGVCLએ ફ્યુલ ચાર્જમાં 200 યુનિટે 20 રૂપિયાનો વધારો કર્યો, DGVCLના 32 લાખ ગ્રાહકો પર 270 કરોડનો બોજો#DGVCL#electricitybill
— VTV Gujarati News and Beyond (@VtvGujarati) August 4, 2022
DGVCLના 32 લાખ ગ્રાહકો પર 270 કરોડનો બોજો પડશે
DGVCLએ સિડેન્શિયલ અને કોમર્શિયલ મીટરોમાં ભાવવધારો કર્યો છે. આ ભાવ વધારો નવા બિલથી અમલમાં મુકાશે. આ ભાવ વધારાથી DGVCLના 32 લાખ ગ્રાહકો પર 270 કરોડનો બોજો પડશે.
અદાણીએ પણ ગઇકાલે PNGના ભાવમાં વધારો કર્યો હતો
ઉલ્લેખનીય છે કે, રાજ્યમાં દિનપ્રતિદિન દરેક વસ્તુઓમાં ભાવવધારો થઇ રહ્યો છે. કારણ કે હજુ ગઇકાલે જ અદાણી દ્વારા PNGના ભાવમાં તોતિંગ વધારો કરવામાં આવ્યો છે. અદાણી PNG દ્વારા ગેસના ભાવમાં વધારો કરવામાં આવ્યો છે . CNGમાં ભાવ વધારો બાદ હવે પીએનજીના પણ ભાવ વધારી દીધા છે. અદાણી ગેસે PNG માં પણ 89.60 રૂપિયાનો ભાવવધારો ઝીંક્યો છે. જે ભાવવધારો ગઇકાલથી જ લાગુ થઇ ગયો છે.અદાણી PNGનો નવો ભાવ 1.50 MMBTU સુધી વપરાશ પર રૂપિયા 1514.80 નવો ભાવ લાગુ થશે. 1.50 MMBTU કરતા વધુ વપરાશ પર 1542.80 રૂપિયા નવો ભાવ લાગુ પડશે. મહત્વનું છે કે અદાણી ગેસ દ્વારા જુલાઇમાં પણ પીએનજીમાં ભાવ વધારો કરવામાં આવ્યો હતો. જુલાઇમાં PNG માં 28 રૂપિયાનો ભાવવધારો સ્લેબમાં ઝીંક્યો હતો.
જનતા કમરતોડ મોંઘવારીથી પરેશાન
એક તરફ જનતા કમરતોડ મોંઘવારીથી પરેશાન છે. જરૂરિયાતની વસ્તુઓ પર GST લગાવી દેતા ભાવ વધારાથી જનતા પરેશાન થઇ ગઇ છે. દૂધ, દહીં, લોટ, અનાજ સહિતની તમામ જીવન જરૂરી ચીજવસ્તુઓ મોંઘી દાટ થઇ ગઇ છે અને એમાંય વળી અદાણી PNG અને DGVCLએ અનુક્રમે ગેસ અને વીજબિલમાં ભાવવધારો કરતા જનતાએ મોંઘવારીનો વધુ એક માર સહન કરવો પડશે.