રાજ્યભરમાં કોરોના વાયરસને લઇને લૉકડાઉનનો કડક માહોલ ચાલી છે, ત્યારે ફરી એકવાર રાજ્યના પોલીસવડા શિવાનંદ ઝાએ રાજ્યના કાયદીય સ્થિતિને લઇને પત્રકાર પરિષદને સંબોધન કરતા જણાવ્યું હતું કે, લૉકડાઉનનો શક્ય એટલું ચૂસ્ત પાલન કરાવવામાં આવી રહ્યું છે. આ સાથે જ ક્યાંય ભીડ જમા ન થાય તે માટે પોલીસ નજર રાખી રહી છે.
ગાંધીનગરથી DGP શિવાનંદ ઝા ની પત્રકાર પરિષદ
સોશિયલ ડિસ્ટન્સ ના જાળવતા લોકો સામે કાર્યવાહી થશે
રાજ્યના પોલીસ વડાએ વધુમાં કહ્યું હતું કે, નિયમોનું પાલન નહીં કરનાર સામે કડક કાર્યવાહી થશે, આ સાથે જ બિનજરૂરી અવર જવર કરતા લોકોના વાહનો પણ જપ્ત કરવામાં આવી રહ્યા છે. આ અંગે વિગત આપતા તેમણે જણાવ્યું કે, ગઇકાલે રાજ્યમાં કુલ 10 હજાર 488 વાહનો પોલીસે જપ્ત કર્યા અને કાર્યવાહી હાથ ધરી છે.
લૉકડાઉન મુક્તિના પાસનો થઇ રહ્યો છે દૂર ઉપયોગ
ઉલ્લેખનીય છે કે, રાજ્યમાં લૉકડાઉન દરમિયાન પણ દારૂની હેરફેર થઇ રહી છે ત્યારે આ અંગે પોલીસવડાએ બોટાદ જિલ્લામાં થતી દારૂની હેરાફેરી દરમિયાન કરાયેલી કાર્યવાહી વિશે પણ જણાવ્યું હતું. તેમણે એમ પણ કહ્યું કે, લૉકડાઉન મુક્તિના પાસનો રાજ્યમાં દૂરઉપયોગ કરવામાં આવી રહ્યો છે. આ સાથે જ ગઈકાલે ડિટેઈન કરાયેલા 5678 વાહનો મુક્ત કરવામાં આવ્યા હોવાનું પણ તેમણે જણાવેલ.
ડ્રોનના આધારે અત્યાર સુધીમાં 17768 લોકોની કરાઇ ધરપકડ
શિવાનંદ ઝાએ છેલ્લા 24 કલાકના ગુનાઓ અંગેની જાણકારી આપતા કહ્યું કે, 34 ગુનાઓ નોંધીને 60 લોકોની CCTV આધારે અટકાયત કરવામાં આવી તો ડ્રોનની મદદથી ગઈકાલે 363 ગુના દાખલ કરાયા અને અત્યાર સુધીમાં 17768 લોકોની ડ્રોન આધારે ધરપકડ કરાઈ છે.