ગુજરાત રાજ્યના DGP આશિષ ભાટિયાને વધુ 8 મહિનાનું એક્સટેન્શન અપાયું છે. આથી તેઓ વિધાનસભા ચૂંટણી સુધી યથાવત રહેશે.
DGP આશિષ ભાટિયાને વધુ 8 મહિનાનું એક્સટેન્શન
વિધાનસભા ચૂંટણી સુધી આશિષ ભાટિયા યથાવત રહેશે
31 મેના રોજ DGP આશિષ ભાટિયા નિવૃત્ત થવાના હતા
ગુજરાતના DGP આશિષ ભાટિયાને વધુ 8 મહિનાનું એક્સટેન્શન મળ્યું છે.આથી વિધાનસભા ચૂંટણી સુધી DPG તરીકે આશિષ ભાટિયા યથાવત રહેશે. 31 મેના રોજ તેઓ નિવૃત્ત થવાના હતાં. કેન્દ્રીય કેબિનેટની અપોઇમેન્ટ કમિટીએ આશિષ ભાટિયાને એક્સટેન્શન આપવાની મંજૂરી આપી છે.
IPS આશિષ ભાટિયા 1985 બેંચના IPS અધિકારી છે
નોંધનીય છે કે, IPS આશિષ ભાટિયાની 31મી જુલાઈ 2020ના રોજ રાજ્ય પોલીસ વડા તરીકે નિમણૂંક કરવામાં આવી હતી. IPS આશિષ ભાટિયા 1985 બેંચના IPS અધિકારી છે.
DIG-કમિશનરના ટ્રાન્સફર પર પણ લેવાશે નિર્ણય
વધુમાં જણાવી દઇએ કે, 31મેના રોજ DGP આશિષ ભાટિયા નિવૃત્ત થવાના છે તેવી જે અટકળો ચાલી રહી હતી તેની પર હાલ પૂરતું પૂર્ણવિરામ મૂકી દેવાયું છે. આ સાથે DG અને DIGની જે ટ્રાન્સફરની વાત હતી તે પણ સામે આવશે. તો બીજી બાજુ રાજ્યના 4 મોટા શહેરો જેવાં કે અમદાવાદ, વડોદરા, રાજકોટ અને સુરતના પોલીસ કમિશનર બદલાવાની જે વાત હતી તેમાં પણ અનેક ફેરફાર કરવામાં આવ્યાં હોવાનું સામે આવ્યું છે. તે અંગે પણ ટૂંક સમયમાં નિર્ણય લેવામાં આવશે.