DGGIએ ક્રિપ્ટોકરન્સી એક્સચેન્જ વઝિરએક્સ પર દરોડા પાડ્યા
ડિરેક્ટોરેટ જનરલ ઑફ ગૂડ્ઝ એન્ડ સર્વિસ ટેક્સ ઇન્ટેલિજન્સે અહીં ક્રિપ્ટોકરન્સી એક્સચેન્જ વઝિરએક્સ પર દરોડા પાડ્યા બાદ દેશભરના મુખ્ય ક્રિપ્ટોકરન્સી સર્વિસ પ્રોવાઇડર્સની ઑફિસો પર દરોડા પાડ્યા છે. આ દરોડાની આગેવાની GST ઇન્ટેલિજન્સ અધિકારીઓએ કરી હતી.એક મિડીયા રિપોર્ટ અનુસાર, DGGIએ મોટા પાયે કરચોરી શોધી કાઢી છે. અગાઉ, DGGI અધિકારીઓએ શુક્રવારે જણાવ્યું હતું કે વિભાગે કરચોરીથી બચવા માટે ક્રિપ્ટોકરન્સી એક્સચેન્જ WazirX પર રૂ. 49.20 કરોડનો દંડ ફટકાર્યો છે.
મુંબઈ GSTએ વ્યવસાયિક પ્રવૃત્તિઓની તપાસ કરતી વખતે ચોરી શોધી
GST મુંબઈ (પૂર્વ કમિશનરેટ ઝોન) એ ક્રિપ્ટોકરન્સી એક્સચેન્જ વઝિરએક્સની વ્યવસાયિક પ્રવૃત્તિઓની તપાસ કરતી વખતે રૂ. 40.5 કરોડની GST ચોરી શોધી કાઢી છે. નિવેદનમાં, એજન્સીએ કહ્યું કે તેઓએ ફર્મ પાસેથી 49.20 કરોડ રૂપિયાની રોકડ વસૂલ કરી છે જેમાં વ્યાજ અને દંડનો સમાવેશ થાય છે.
શું છે ક્રિપ્ટોકરન્સી
ક્રિપ્ટોકરન્સી એ એક ડિજિટલ ચલણ છે જે એન્ક્રિપ્શન દ્વારા સુરક્ષિત છે. ક્રિપ્ટોકરન્સીને ડિસેન્ટ્રલાઈઝ્ડ ટેકનોલોજી, બ્લોકચેન દ્વારા જાળવણી કરવામાં આવે છે. આમાં જે પેમેન્ટ કરવામાં આવે છે તે અમુક વોલેટના રૂપમાં ઇન્ટરનેટનો ઉપયોગ કરીને કરવામાં આવે છે. આ ચલણ આપણને દેખાઈ શકતી નથી, તેથી તે કેશલેસ ચુકવણીનું સૌથી એડવાન્સ વર્ઝન છે, જે ડિજિટલ સ્વરૂપમાં થાય છે.