DGCI એ 20 ઇ-ફાર્મા (e-Pharma Companies) કંપનીઓને નોટિસ મોકલી છે જેમાં Tata 1mg, Flipkart Health Plus અને Amazon જેવી 20 કંપનીઓ સામેલ છે.
DGCI એ 20 ઇ-ફાર્મા (e-Pharma Companies) કંપનીઓને નોટિસ મોકલી
કંપનીઓએ બે દિવસમાં આપવો પડશે જવાબ
દવાના વેચાણ માટે DGCI પાસેથી માન્ય લાઇસન્સ મેળવવું ફરજિયાત
DGCI Notice to e-Pharma Companies:ડ્રગ કન્ટ્રોલર જનરલ ઓફ ઈન્ડિયા (Drug Controller General of India) DGCI એ દેશભરમાં કાર્યરત રહેનાર 20 ઇ-ફાર્મા (e-Pharma Companies) કંપનીઓને નોટિસ મોકલી છે. જણાવી દઈએ કે ભારતના ડ્રગ રેગ્યુલેટરે આ કંપનીઓને નોટિસ ડ્રગ્સ એન્ડ કોસ્મેટિક્સ એક્ટ, 1940ના ઉલ્લંઘન માટે ફટકારી છે. એક રિપોર્ટ મુજબ DGCI વીજે સોમાણીએ નોટિસમાં પૂછ્યું છે કે છેલ્લા થોડા વર્ષોથી ઓનલાઈન દવા વહેંચવા પર ઘણી વખત રોક લગાવવામાં આવી છે. આ સાથે જ નોટિસમાં આ ઉલ્લંઘન માટે તેમની સામે કોઈ કાર્યવાહી કેમ ન કરવામાં આવે એ વિશે પણ પૂછ્યું છે.
આ કંપનીઓને મોકલવામાં આવી નોટિસ-
જણાવી દઈએ કે DGCIના નિયમ ઉલ્લંઘનના આ કિસ્સામાં Tata 1mg, Flipkart Health Plus અને Amazon જેવી 20 કંપનીઓને કારણ જણાવો નોટિસ મોકલવામાં આવી છે. જો એ કોઈ કંપનીએ આ નોટિસ પર હજુ સુધી કોઈ સત્તાવાર નિવેદન આપ્યું નથી. નોંધનીય છે કે DGCI તેની નોટિસમાં કહ્યું છે કે ઓનલાઈન વગર ડીજીસીઆઈના માન્ય લાઇસન્સ વિના દવાઓનું વેચાણથી તેની ગુણવત્તા પર ખૂબ જ ખરાબ અસર કરે છે. આવી સ્થિતિમાં લોકોના સ્વાસ્થ્યને ધ્યાનમાં રાખીને DGCIએ આ પગલું ભર્યું છે.
કંપનીઓએ બે દિવસમાં આપવો પડશે જવાબ
DGCI દ્વારા મોકલવામાં આવેલ એ નોટિસમાં ડ્રગ કંટ્રોલરે ટાટા 1mg(Tata 1mg), ફ્લિપકાર્ટ હેલ્થ+(Flipkart Health Plus) અને એમેઝોન(Amazon) જેવી ઓનલાઈન અને ઈન્ટરનેટ દ્વારા દવાઓનું વેચાણ કરતી કંપનીઓને બે દિવસનો સમય આપ્યો છે.
દવાના વેચાણ માટે DGCI પાસેથી માન્ય લાઇસન્સ મેળવવું ફરજિયાત
જો કંપનીઓ આ સમય દરમિયાન ડીજીસીઆઈને આ નોટિસનો જવાબ નહીં આપે તો એવું માનવામાં આવશે કે તેમની પાસે આ મામલે કોઈ જવાબ નથી અને આ પછી DGCI કાયદા અનુસાર આગળ કાર્યવાહી કરવામાં આવશે. જણાવી દઈએ કે દિલ્હી હાઈકોર્ટે થોડા દિવસો પહેલા ત્રણ ઈ-ફાર્મસીને ડીજીસીઆઈ માન્ય લાયસન્સ વિના દવાઓ વેચતી શોધી કાઢી હતી અને આ મામલે ડ્રગ કન્ટ્રોલર કાર્યવાહી કરવાનો નિર્દેશ આપ્યો હતો. નોંધનીય છે કે ભારતમાં દવાના ઓનલાઈન અને ઓફલાઈન વેચાણ માટે DGCI પાસેથી માન્ય લાઇસન્સ મેળવવું ફરજિયાત છે.