મહામારી / કોરોનાને નાથવા દેશને સૌપ્રથમ દવા મળી ગુજરાતમાંથી, ઝાયડસની આ દવાને ઈમરજન્સી ઉપયોગ માટે મંજૂરી

• ઝાયડસની કોરોના દવા વિરાફીનને મંજૂરી 
• ડ્રગ્સ કંટ્રોલ ઓથોરિટીએ ઇમરજન્સી ઉપયોગ માટે વિરાફીનને આપી મંજૂરી 
• હળવા લક્ષણો માટે ઝાયડસની વિરાફીનનો ઉપયોગ થશે

ભારતમાં કોરોનાની ઝડપ હવે ઘણી ઝડપી બની ગઇ છે અને દરરોજ રેકૉર્ડતોડ કેસ સામે આવી રહ્યા છે. આ વચ્ચે કોરોનાને માત આપવાના મિશનને ઝડપ આવવા માટે ભારત સરકાર તરફથી મોટું પગલું ભરવામાં આવ્યું છે. શુક્રવારે ભારતે ડ્રગ્સ રેગુલેટર તરફથી Zydusની Virafinને મંજરી આપી દીધી છે. આ Virafinનો ઉપયોગ કોરોનાના દર્દીઓ માટે કરી શકાશે. શુક્રવારે ડ્રગ્સ કંટ્રોલર જનરલ ઑફ ઇન્ડિયા(DCGI)એ ઝાયડસની ડ્રગને મંજૂરી આપી.

ટ્રાયલ્સમાં દેખાયા છે શ્રેષ્ઠ પરિણામ

ઝાયડસે દાવો કર્યો છે કે, હળવા લક્ષણો માટે ઝાયડસની વિરાફીનનો ઉપયોગ થશે. કોરોના દર્દીઓ પર ઉપયોગ બાદ 7 દિવસમાં 91.15 ટકા કોરોનાના દર્દીઓનો RT-PCR ટેસ્ટ નેગેટિવ આવ્યો છે. આ એન્ટીવાયરલ ડ્રગના ઉપયોગથી કોરાના દર્દીઓને રાહત મળે છે અને લડવાની તાકાત મળે છે. ઓક્સિજન લેવલને મેઈન્ટેઇન કરવા માટે પણ આ દવા કારગત નીવડી છે.

કંપનીનો દાવો છે કે કોરોના થવાની શરૂઆતમાં જો Virafin આપવામાં આવે છે તો દર્દીને કોરોનાને હરાવવામાં મદદ મળશે અને ઓછી તકલીફ થશે. હજુ આ ડ્રગ્સ માત્ર ડૉક્ટરની સલાહ બાદ જ દર્દીને આપવામાં આવશે, આને હોસ્પિટલોમાં ઉપલબ્ધ કરાવવામાં આવશે.

Drugs Controller General of India (DGCI) approves emergency use for Zydus Cadila's Pegylated Interferon alpha-2b, ‘Virafin’ for treating moderate #COVID19 infection in adults. pic.twitter.com/bXBvHZaIBp

— ANI (@ANI) April 23, 2021

7 દિવસમાં જ કોરોનાનો રિપોર્ટ નેગેટિવ

કંપનીએ આ ડ્રગ ભારતના અંદાજિત 25 સેન્ટર્સ પર 250 દર્દીઓ પર ટ્રાયલ કર્યું હતું, જેમાં અસરકારક પરિણામો જોવા મળ્યા છે. એજ કારણ છે કે આ દવાને લીધા બાદ 7 દિવસ બાદ કોરોનાના દર્દીઓમાં અંતર જોવા મળ્યું છે અને RT-PCR કોવિડ ટેસ્ટ રિપોર્ટ નેગેટિવ આવ્યો છે.