કાર્યવાહી / દેવાયત ખવડના ઘરમાં તાળાં, ફોન બંધ: રાજકોટ પોલીસ હવે આકરાં પાણીએ, જુઓ એક્શન લેવાયા 

• રાજકોટમાં યુવક પર જીવલેણ હુમલાનો મામલો 
• લોક સાહિત્યકાર દેવાયત ખાવડને શોધવા પોલીસની કવાયત
• હુમલાના બે દિવસ પછી દેવાયત સહીત શખ્સો પોલીસ પકડથી દૂર
• દેવાયત ખાવડને ઝડપવા તેના વતન મુળી દૂધઈ ગામે પોલીસ ટીમ મોકલાઈ
• સમગ્ર ઘટના બાદ રાજકોટમાં દેવાયતના ઘરે તાળા અને ફોન બંધ  

રાજકોટમાં મયુરસિંહ રાણા નામનાં યુવક પર જીવલેણ હુમલો કરવા મામલે દેવાયત ખવડની શોધખોળ હજી પણ ચાલી રહી છે. મહત્વનું છે કે, એ-ડિવિઝન પોલીસ સ્ટેશને દેવાયત ખવડ અને તેનાં સાથીદારો સામે ગુનો નોંધાયો છે. હુમલાના બે દિવસ બાદ પણ દેવાયત ખવડ સહિત આરોપી પોલીસ પકડથી દૂર છે. દેવાયત ખવડને ઝડપવા પોલીસ પહેલા રાજકોટના ઘરે અને હવે તેના વતન મુળી દૂધઈ ગામે પહોંચી હતી.  પોલીસે મુળી દૂધઈ ગામે પહોંચી આ મામલે વધુ તપાસ હાથ ધરી છે. 

રાજકોટમાં યુવક પર જીવલેણ હુમલો કરવા મામલે દેવાયત ખવડની શોધખોળ શરૂ છે. જોકે હુમલાના બે દિવસ બાદ પણ દેવાયત ખાવડ સહિત આરોપી પોલીસ પકડથી દૂર છે. જેને લઈ હવે દેવાયત ખાવડને ઝડપવા પોલીસ તેના વતન મુળી દૂધઈ ગામે પહોંચી છે. આ તરફ ઘટના બાદ રાજકોટમાં દેવાયત ખાવડના ઘરે તાળા અને ફોન બંધ આવ્યો હતો. જે બાદમાં તેના ગામે પહોંચ્યા બાદ પોલીસે વધુ તપાસ શરૂ કરી છે. પ્રાથમિક વિગતો મુજબ સોશિયલ મીડિયામાં કોમેન્ટને લઈ  હુમલો કરાયો હોવાનું સામે આવ્યું છે. 

શું હતો સમગ્ર મામલો ? 

દેવાયત ખવડ અને તેમના સાથીદારોએ થોડા દિવસ અગાઉ એક વ્યક્તિ પર જાહેરમાં હુમલો કર્યો હતો. હુમલામાં યુવકને હાથ અને પગમાં ગંભીર ઈજા પહોંચી હતી. ઈજાગ્રસ્ત યુવકે દેવાયત ખવડ પર ગંભીર આરોપ લગાવ્યો હતો.  સર્વેશ્વર એપાર્ટમેન્ટ નજીક યુવક પર હુમલો કરાયો હતો. આ અંગેની જાણ પોલીસને થતા પોલીસની ટીમ તાત્કાલિક ઘટના સ્થળે પહોંચી હતી. ઈજાગ્રસ્ત યુવકને સારવાર માટે હોસ્પિટલ ખસેડાયો હતો.

રાજકોટના ઘરે દેવાયત નહીં મળતા ગામડે પહોંચી પોલીસ 

હકીકતમાં દેવાયત ખવડે રાજકોટના સર્વેશ્વર ચોક નજીક મયુરસિંહ રાણા નામના યુવક પર જીવલેણ હુમલો કર્યો હોવાનો કિસ્સો પ્રકાશમાં આવ્યા બાદ પોલીસે ચોપડે ગુનો નોંધાયો હતો. જે બાદ તપાસ માટે જ્યારે પોલીસની ટીમ તેમના ઘરે પહોંચી, ત્યારે પોલીસને તેમના ઘરના મેન ગેટ પર તાળુ જોવા મળ્યું હતું અને દેવાયત ખવડનો ફોન પણ  સ્વીચ ઓફ આવી રહ્યો હતો. જેને લઈ હવે પોલીસ દેવાયત ખવડના ગામ દૂધઇ પહોંચી છે.