જાણવા જેવું / માતા દુર્ગાના આ મંદિરમાં જવાથી ડરે છે લોકો! જાણો શું છે તેના પાછળનું રહસ્ય

• દુર્ગા માતાના આ મંદિરમાં આવવાથી ડરે છે લોકો
• ખોટા ઈરાદાથી આવતા લોકોને થાય છે નુકસાન 
• જાણો શું છે તેના પાછળનું કારણ 

નવરાત્રોમાં લોકો ખૂબ જ ભક્તિભાવથી મા દુર્ગાની પૂજા કરે છે. દેવીની પૂજા સાથે લોકો વ્રત પણ રાખે છે. દેવી માતાના મંદિરમાં સાચા દિલથી શ્રદ્ધાથી કોઈ વસ્તુ માંગવાથી દરેક મનોકામના પૂર્ણ થાય છે. પરંતુ મધ્યપ્રદેશના દેવાસમાં બનેલ દેવી માતાનું મંદિર કંઈક અલગ છે. 

લોકો મા દુર્ગાના આ મંદિરમાં જતા ડરે છે. તમને જણાવી દઈએ કે નવરાત્રી દરમિયાન લોકો આ મંદિરની અંદર જતા નથી. પરંતુ બહારથી દર્શન કરી પાછા ફરે છે. આવો જાણીએ શું છે આ મંદિરનું રહસ્ય.

શાપિત છે આ મંદિર 
એવું કહેવામાં આવે છે કે આ મંદિર શ્રાપિત છે અને સૂર્યાસ્ત પછી અહીં કોઈ જતું નથી. લોકોની માન્યતા મુજબ સૂર્યાસ્ત પછી જે પણ વ્યક્તિ અહીં આવે છે. તેની સાથે વિચિત્ર ઘટનાઓ બની છે. એટલું જ નહીં આ મંદિરમાંથી ડરામણા અવાજો પણ આવે છે. 

લોકો કહે છે કે મંદિરમાં ક્યારેક સિંહોની ગર્જના સંભળાય છે તો ક્યારેક ઘંટનો અવાજ સંભળાય છે. એવું કહેવાય છે કે જે વ્યક્તિ આ મંદિરમાં ખોટા ઈરાદા સાથે આવે છે તેને હંમેશા નુકસાન થાય છે.

શું છે મંદિર પાછળનું રહસ્ય?
સ્થાનિક લોકોના મતે દેવાસના મહારાજાએ જ મા દુર્ગાનું આ મંદિર બનાવ્યું હતું. જો કે તેના નિર્માણ બાદ રાજવી પરિવારમાં અશુભ ઘટનાઓ બનવા લાગી હતી. મંદિરની આસપાસ રહેતા લોકોનું પણ કહેવું છે કે અહીંની રાજકુમારીને સેનાપતિ સાથે પ્રેમ સંબંધ હતો. રાજાને આ ગમ્યું નહીં અને તેણે આ સંબંધનો વિરોધ કર્યો.

રાજાએ દીકરીને જેલમાં પૂરી દીધી. એવું કહેવાય છે કે રાજકુમારીનું રહસ્યમય રીતે જેલમાં જ મૃત્યુ થયું હતું. ત્યાં જ રાજકુમારીના મૃત્યુના સમાચાર પછી સેનાપતિએ પણ મંદિરમાં આત્મહત્યા કરી. જે બાદ પૂજારીઓએ કહ્યું કે આ મંદિર અશુદ્ધ થઈ ગયું છે. એવું કહેવાય છે કે શાહી પૂજારીઓની સલાહ પર રાજાએ ઉજ્જૈનના મોટા ગણેશ મંદિરમાં સંપૂર્ણ સન્માન સાથે માતાજીની મૂર્તિની સ્થાપના કરી દીધી હતી.