તમારા કામનું / 4 મહિના બાદ ભક્તો પર કૃપા વરસાવશે ભગવાન વિષ્ણુ, દૂધ-કેસરના આ ઉપાય દૂર કરશે દરેક મુશ્કેલીઓ

• આવી રહી છે દેવઉઠી એકાદશી 
• ચાર મહિના બાદ ભગવાન વિષ્ણુ નિદ્રામાંથી જાગશે 
• ભક્તો પર આશીર્વાદ વરસાવશે 

હિંદુ કેલેન્ડર મુજબ અષાઢ માસના શુક્લ પક્ષની દેવશયની એકાદશીના દિવસે ભગવાન વિષ્ણુ યોગ નિંદ્રામાં જાય છે અને 4 મહિના પછી દેવઉઠી એકાદશીના દિવસે જાગી જાય છે. આવી સ્થિતિમાં કારતક મહિનાના શુક્લ પક્ષની એકાદશી તિથિ દેવઉઠી એકાદશીના દિવસે તે નિંદ્રાધીન લોકોમાંથી જાગી જાય છે અને ભક્તો પર ઘણા આશીર્વાદ વરસાવે છે. 

માટે તેને દેવઉઠી એકાદશીના નામથી ઓળખવામાં આવે છે. દેવઉઠી એકાદશીને દેવ પ્રભોદિની એકાદશી, દેવઉઠી અગ્યારસ વગેરે નામથી પણ ઓળખવામાં આવે છે. 

હિંદૂ પંચાગ અનુસાર આ વખતે દેવઉઠી એકાદશી 4 નવેમ્બર, 2022ના દિવસે છે. આ દિવસે ભગવાન વિષ્ણુની પૂજાનું ખાસ મહત્વ છે. સાચ્ચા મનથી ભગવાન વિષ્ણુની પૂજા-આરાધના કરવાથી તે પ્રસન્ન થઈને ભક્તોની દરેક મનોકામના પૂર્ણ કરે છે. આવો જાણીએ આ દિવસે કરવામાં આવતા ઉપાયો વિશે. 

દેવઉઠની એકાદશીના ઉપાય 

• જ્યોતિષ શાસ્ત્ર અનુસાર આ દિવસે ભગવાન વિષ્ણુનો દૂધ અને કેસરથી અભિષેક કરવામાં આવે છે. આનાથી ભગવાન દરેકની મનોકામના પૂર્ણ કરે છે અને આશીર્વાદ આપે છે.
• જો તમે દેવામાં ડૂબી ગયા છો અને આર્થિક પરેશાનીઓમાંથી બહાર આવવા માંગો છો તો એકાદશીના દિવસે પીપળના ઝાડને જળ ચઢાવો. સાંજે પીપળા નીચે દીવો પ્રગટાવો. આમ કરવાથી તમે જલ્દી જ દેવામાંથી મુક્તિ મેળવી શકો છો.
• જો તમે હંમેશા પર્સમાં પૈસા રાખવા માંગતા હોવ તો એકાદશીના દિવસે ભગવાન વિષ્ણુને પૈસા અર્પણ કરો અને તેને તમારા પર્સમાં રાખો. આમ કરવાથી વ્યક્તિને ધનલાભ થાય છે અને વ્યક્તિનું પર્સ ક્યારેય ખાલી થતું નથી.
• જ્યોતિષ શાસ્ત્ર અનુસાર જો તમે ધનમાં વૃદ્ધિ કરવા માંગો છો તો ભગવાન વિષ્ણુને તુલસીના પાન સાથે સફેદ રંગની વસ્તુઓ અર્પણ કરો. આમ કરવાથી શુભ ફળ પ્રાપ્ત થશે.
• જો કોઈ કામ લાંબા સમયથી અટવાયેલું હોય તો ભગવાન વિષ્ણુના મંદિરમાં નારિયેળ અને બદામ અર્પિત કરવાથી દરેક કાર્ય પૂર્ણ થશે અને સફળતા પ્રાપ્ત થશે.

દેવ ઉથની એકાદશી શુભ મુહૂર્ત 2022
કાર્તક શુક્લ પક્ષની એકાદશી તિથિ 3 નવેમ્બર ગુરુવારે સાંજે 7.30 કલાકે શરૂ થશે અને 4 નવેમ્બરે સાંજે 6.08 કલાકે સમાપ્ત થશે. ઉદયતિથિ અનુસાર દેવઉઠીની એકાદશીનું વ્રત 4 નવેમ્બરે રાખવામાં આવશે.