વર્ષના 8 મહિના ડૂબેલું રહે છે આ મંદિર તેમ છતાં થાય છે એવા ચમત્કાર

આવા કારણે જ ભારતને ચમત્કારોનો દેશ માનવામાં આવે છે. અહીં અનેક એવી જગ્યાઓ છે જ્યાં દેશ-વિદેશના પ્રવાસીઓ ઈતિહાસ જાણવા આવતા હોય છે. મહાભારત અને રામાયણ કાળની એવી અનેક જગ્યાઓ છે જેની સાથે જોડાયેલી અનેક કહાણીઓ છે. આવું જ એક મંદિર એટલે પંજાબ અને હિમાચલ પ્રદેશની બોર્ડર પર આવેલ કાંગડા જિલ્લાનું મંદિર છે. અહીં વ્યાસ નદી પર આવેલ પોંગ ડેમની વચ્ચે આવે આ મંદિરો રેતી અને પથ્થરના બનેલા છે તેમ છતા આટલા હજારો વર્ષો પછી પણ પાણીમાં ડૂબી રહેવા છતા તેમના પર કોઈ અસર નથી થઈ રહી. આજે પણ તે એટલા જ ચમકદાર છે. જોકે માંદિર આસપાસ કેટલાક ભાગને નુકસાન થયું છે.

'બાથૂ કી લડી' કહેવાય છે આ મંદિર:

પોંગ ડેમના મહારાણા પ્રતાપ સાગર તળાવમાં ડૂબેલા આ મંદિરોને બાથૂ મંદિરના નામથી ઓખવામાં આવે છે. સ્થાનિક લોકો તેને ‘બાથૂ કી લડી’ કહે છે. આ મંદિર સુધી ઉનાળામાં માત્ર ચાર મહિના ડેમના પાણીનું લેવલ ઓછું હોય એ દરમિયાન જ પહોંચી શકાય છે. વર્ષના બાકી આઠ મહિના પાણીમાં ડૂબેલું રહે છે. આ મંદિર સુધી માત્ર બોટ થકી જ પહોંચી શકાય છે. આજથી 43 વર્ષ પહેલા ડેમ બન્યા બાદ આ મંદિર 8 મહિના માટે હંમેશા ડૂબેલું રહે છે.

પાંડવો બનાવવા ઇચ્છતા હતા સ્વર્ગની સીડી:

આ મંદિરના નિર્માણ વિશે એવું કહેવાય છે કે મહાભારત કાળમાં પાંડવો દ્વારા અહીં સ્વર્ગ જવાની સીડી બનાવવાનો પણ પ્રયાસ કરવામાં આવ્યો હતો. જે અધુરો રહી ગયો હતો. કથા મુજબ આ મંદિર પાંડવોએ પોતાના અજ્ઞાતવાસ દરમિયાન માત્ર એક રાતમાં બનાવી નાખ્યું હતું. આ મંદિરમાં આજે પણ મહાભારતકાળની અનેક વસ્તુ આવેલી છે. જોકે સરકાર અને પુરાતત્વ વિભાગની ઉદાસીનતાના કારણે આજે ઐતિહાસિક ધરોહર પોતાનું અસ્તિત્વ ખોઈ રહ્યું છે.

કેવી રીતે પહોંચશો:

આ મંદિર પહોંચવા માટે સૌથી નજીકનું એરપોર્ટ ગગ્ગલ એરપોર્ટ છે. ગગ્ગલ એરપોર્ટથી આ મંદિરનું અંતર માત્ર દોઢ કલાકનું જ છે. પ્રવાસીઓ રેલવે સ્ટેશન અને એરપોર્ટથી જ્વાલી પહોંચી શકે છે જ્યાંથી આ મંદિરનું અંતર માત્ર 37 કિમી. છે. જ્વાલીથી બાથૂ કી લડી પહોંચવાના 2 માર્ગ છે. એક જેમાં બાથૂ સુધી અડધી કલાકમાં પહોંચી શકાય છે અને બીજો માર્ગ જ્યાંથી તમને આ મંદિર પહોંચવામાં આશરે 40 મિનિટનો સમય લાગે છે. જો તમે ટ્રેનથી જવા ઈચ્છો છો તો કાંગડા રેલવે સ્ટેશન ઉતરીને કોઈ ટેક્સીની મદદથી અહીં પહોંચી શકાય છે.

ફરવા માટેનો ઉત્તમ સમય:

આ મંદિરમાં માત્ર મે-જૂનમાં જઇ શકો છો બાકીના સમયમાં મંદિરમાં પાણીમાં ડૂબેલુ રહે છે.ઉનાળામાં દરમિયાન જ મંદિર સંપૂર્ણ બહાર આવે છે. ત્યારે મંદિરની ચારે તરફ પાણી અને વચ્ચે મંદિર એક અદભૂત મનમોહક દ્રશ્ય ઉભું કરે છે. 

અહીંયા રોકાવો:

તમે તમારા બજેટ અનુસાર કોઇ ધર્મશાળા કે ગેસ્ટ હાઉસમાં રોકાઇ શકો છો.