નિર્ણય  / સોમનાથ દાદાના મંદિરમાં ભક્તોને અપાશે મફત ભોજન, મોરારીબાપુએ તમામ તીર્થસ્થાનોને અન્નક્ષેત્ર ચાલુ કરવા કરી અપીલ 

• વિશ્વ પ્રસિદ્ધ સોમનાથમાં ભાવિકોને મફત ભોજન અપાશે
• કથાકાર મોરારિબાપુએ સોમનાથ ટ્રસ્ટને પાઠવ્યા અભિનંદન
• તીર્થસ્થાનોમાં શ્રદ્ધાળુઓ માટે મફત ભોજનની વ્યવસ્થા કરવા અપીલ કરી
   

સોમનાથ ટ્રસ્ટ દ્વારા એક મોટો નિર્ણય લેવામાં આવતા કથાકાર મોરારીબાપુએ પણ અભિનંદન પાઠવ્યા હતા. વિશ્વ પ્રસિદ્ધ સોમનાથમાં ભાવિકોને હવે મફત ભોજન આપવામાં આવશે. જેને લઈ વિદેશની ધરતી પર કથામાં વ્યાસ પીઠ પરથી મોરારીબાપુએ સોમનાથ ટ્રસ્ટને અભિનંદન આપ્યા હતા. આ સાથે તેઓએ દરેક તીર્થસ્થાનોમાં શ્રદ્ધાળુઓ માટે મફત ભોજનની વ્યવસ્થા કરવા અપીલ કરી હતી. 

સોમનાથ ટ્રસ્ટ દ્વારા કરાયો નિર્ણય 

વિશ્વ પ્રસિધ્ધ સોમનાથ મહાદેવ મંદિરમાં વર્ષે દહાડે હજારો લોકો દર્શનાર્થે આવતા હોય છે. જોકે હવે સોમનાથ મંદિર ટ્રસ્ટ દ્વારા એક મોટો નિર્ણય કરવામાં આવ્યો છે. સોમનાથ ટ્રસ્ટ દ્વારા જાહેર કરવામાં આવ્યું છે કે, હવેથી મંદિરમાં દર્શનાર્થે આવતા ભાવિકોને હવે મફત ભોજન મળશે. 

શું કહ્યું મોરારી બાપુએ ? 

વિદેશની ધરતી પર કથામાં વ્યાસ પીઠ પરથી મોરારીબાપુએ સોમનાથ ટ્રસ્ટને અભિનંદન આપ્યા હતા. તેમણે કહ્યું હતું કે, મારી તો દરેક તીર્થસ્થાનો ને વિનંતી બધા શ્રદ્ધાળું ને ભોજન ની વ્યવસ્થા કરવી જોઈએ. સોમનાથ ટ્રસ્ટ દ્વારા વિનામૂલ્યે ભોજન ની વ્યવસ્થા ના સમાચાર મોરારીબાપુ એ જાણતા જ સોમનાથ ટ્રસ્ટને સાધુવાદ કહ્યા હતા.