રંગોનો તહેવારની હોળી પર ગીર સોમનાથ, સુરત અને ગાંધીનગરના આ ગામડામાં અલગ પ્રકારે ઉજવણી થઈ હતી, હોલિકા દહન બાદ સળગતા અંગારા પર ચાલ્યા હતા લોકો..
હોલિકા દહન બાદ અંગારામાં ચાલવાની વર્ષો જૂની પરંપરા
ગીર સોમનાથ અને સુરતના આ ગામડામાં પણ અલગ પ્રકારે ઉજવાઇ છે હોળી
ગાંધીનગરમાં હોલિકા દહન બાદ સળગતા અંગારા પર ચાલે છે લોકો
દેશભરમાં હોળીના પર્વની ધામધૂમ પૂર્વ ઉજવણી કરવામાં આવી હતી. ત્યારે આપણા ગુજરાતના ગીર સોમનાથ જિલ્લામાં પણ હર્ષ અને ઉલ્લાસભેર હોળીની અનોખી રીતે ઉજવણી કરવામાં આવી હતી. જણાવી દઈએ કે કોડીનારનાં દેદાની દેવળી ગામે હોલિકા દહન બાદ અંગારામાં ચાલવાની વર્ષો જૂની પરંપરા જળવાઇ હતી.
હોલિકા દહન બાદ અંગારામાં ચાલવાની વર્ષો જૂની પરંપરા
હોળીની જાળ જે દિશા તરફ જાય તેના પરથી અને હોળીની વચ્ચે રાખેલા કાચા ધાન્યના કુંભ પરથી આગામી ચોમાસાનો વરતારો પણ કાઢવામાં આવ્યો છે. 10 હજારની વસ્તી ધરાવતા દેવળી ગામમાં ભવ્ય હોળી પ્રગટાવવામાં આવી. મોડી રાત્રે હોળી શાંત થયા બાદ તેના અંગારાને રસ્તા પર પાથરી દેવામાં આવે છે. અને તે અંગારા પર ગામના યુવાનો વડીલો અને નાના બાળકો ખુલ્લા પગે શ્રદ્ધા પૂર્વક ચાલે છે. વર્ષો જૂની આ પરંપરા દેદાની દેવળી ગામે આજે પણ જીવંત રાખવામાં આવી છે.
આશ્ચર્યની વાત એ છે કે કોઈને ન પંહોચી ઇજા
જો કે આજ દીવસ સુધી કોઈને કોઈપણ પ્રકારે ઈજા પહોંચી નથી. હોળીનાં દિવસે આ વર્ષ કેવો વરસાદ પડશે તેનો વરતારો પણ કાઢવામાં આવે છે પવનની દિશા અને હોળીની ઝાળ નૈઋત્ય ખૂણાની હોય આ ઉપરાંત હોળીની વચ્ચે રાખવામાં આવેલા કાચા ધાન્યના કુંભને ખોલીને આ વરતારો ગામના વડીલો કાઢે છે. ધાન્ય પુરૂ પાકયું ન હોય આ વખતે 10 આની વર્ષ હોવાનું માનવામાં આવે છે. ગામ લોકોનાં કહેવા પ્રમાણે સદિઓથી આ પરંપરા ચાલતી આવી છે. અને આજે પણ તે પ્રથા જાળવી રાખી છે. ગામના 37 વડીલો અને 17 યુવાનો એમ કુલ 54 વ્યક્તિઓ આજે હોળીના અંગારા પર ખુલ્લા પગે ચાલ્યા હતા.
સુરતના આ ગામડામાં પણ અલગ પ્રકારે ઉજવાઇ હોળી
રંગોનો તહેવારની હોળી પર સુરતના એક ગામડા માં હોળી તદ્દન અલગ જ પ્રકારે ઉજવવામાં આવે છે. જણાવી દઈએ કે સુરત શહેરથી 35 કિલોમીટર દુર આવેલા ઓલપાડ તાલુકા ના સરસ ગામ માં લોકો હોળી દહન બાદ અંગારા પર ચાલે છે.
લોકો હોળીના પાથરેલા અંગારા પર ચાલે છે
હોળી નો પર્વ એટલે ખરાબ શક્તિ પર સારી શક્તિ નો વિજયનો દિવસ પણ સુરત સહેર થી 35 કિલોમીટર દુર આવેલા એક નાનકડા ગામડા માં વર્ષોથી ચાલી આવેલી એક પ્રથા લોકોમાં આકર્ષણ નું કેન્દ્ર બની છે, આ પ્રથા ને અંધ શ્રધ્ધા કહો કે શ્રધ્ધા પણ આ ગામડા માં લોકો હોળીની રાત્રે હોળી પ્રગટાવે છે અને ખુબ ધામધૂમથી હોળીની ઉજવણી કરે છે. જ્યારે હોળીકા દહન બાદ ત્યાંના લોકો હોળીના પાથરેલા અંગારા પર ચાલે છે. પાચ વર્ષ ના બાળક થી લઇ સાંઈઠ વર્ષના વૃદ્ધ સુધીના લોકો ઉઘાડા પગે ચાલે છે. વર્ષો થી ગામના લોકો એક શ્રદ્ધા રાખી અંગારા પર ચાલવાનો સાહસ કરે છે
અંગારા પર ચાલવા છતાં દાઝતા નથી લોકો
સોપ્રથમ શ્રધ્ધાલુઓ નજીકમાં આવેલ કુવા પાસે જઈ હાથ પગ ધુએ છે ત્યારબાદ હોળીના સાત ફેરા ફરીને પછી લોકો અંગારા પર ચાલે છે લોકો 1 વાર નહિ 2 3 વાર અંગારા પર ચાલે છે પરંતુ તેઓને અંગારા દાઝતા નથી. આ નજારો જોવા માટે મોટી સંખ્યામાં લોકો ઉમટી પડે છે. જોકે આ વર્ષે વિદેશથી પણ લોકો આ પ્રથાને જોવા માટે સરસ ગામ પહોંચ્યા હતા.
#WATCH | Gujarat: People walk on burning embers as part of Holika Dahan rituals, in Gandhinagar (06.03) pic.twitter.com/UnmJCvriaP
ગાંધીનગરમાં હોલિકા દહન બાદ સળગતા અંગારા પર ચાલે છે લોકો
ગાંધીનગરના પાલજ ગામમાં ગુજરાતની સૌથી મોટી હોળી થાય છે. જેમાં એક મહિના પહેલા જ હોળીની તૈયારીઓની શરૂઆત થાય છે. હોળીના દર્શન કર્યા બાદ રાત્રિના સમયે લોકો હોળીના અંગારા ઉપર ચાલે છે અને લોકોને કોઈપણ પ્રકારની ઈજા કે હાનિક પહોંચતી નથી. લોકો અંગારા પર ખુલ્લા પગે ચાલીને ગામની માતાજી મહાકાળીના દર્શન કરે છે. મહાકાળી માતાજીના આશીર્વાદ હોવાથી લોકોને કોઈપણ પ્રકારની હાનિ થતી નથી.