સ્પોર્ટ્સ / કેન્સરથી ઝઝૂમી રહેલા પિતા માટે ત્રીજો ગોલ્ડ મૅડલ લાવવા માગે છે આ ખેલાડી, ભારતનો સૌથી મોટો દાવેદાર

• દેવેન્દ્ર ઝાઝરિયા ટોક્યોમાં રમશે
• પિતા માટે ગોલ્ડ મૅડલ લાવવો છે
• પિતાએ ક્યારેય નિરાશ નથી થવા દીધો

દેવેન્દ્ર કહે છે કે જ્યારે તે 2004માં એથેન્સ પેરાલંપિકમાં રમવા જઇ રહ્યાં હતા ત્યારે તેમને વિદાય આપનારા તેમના પિતા રામસિંહ જ હતા. તેમના પિતા કેન્સરથી ઝઝૂમી રહ્યાં હતા અને દેવેન્દ્ર તેમની સાથે રહેવાના હતા પરંતુ પિતાએ જબરદસ્તી ટ્રેનિંગ માટે ગાંધીનગર મોકલી દીધા હતા. થોડા જ દિવસો બાદ તેમના પિતા ગુજરી ગયા અને દેવેન્દ્ર તેમના પિતા સાથે વાત પણ ન કરી શક્યા. 

आप सभी की उम्मीदों पर खरा उतरने की कोशिश करूँगा @RahulKaswanMP https://t.co/Vd2dJwr9xr

— Devendra Jhajharia (@DevJhajharia) August 17, 2021

પિતાએ ક્યારેય નિરાશ ન થવા દીધો
ગયા વર્ષે ઓક્ટોબરમાં તેમના પિતાને ફેફસાનું કેન્સર થયું હતું. તેમણે ઘણી જગ્યાએ ઇલાજ કરાવ્યો પરંતુ દરેક જગ્યાએથી સ્વસ્થ થવાની કોઇ સંભાવના દેખાઇ નહી. ત્યારે તેમના પિતાએ કહ્યું કે, તારા બે નાના ભાઇ અહી છે તું ગાંધીનગર જા અને તૈયારી કર. તારે દેશ માટે ત્રીજો ઓલિમ્પિક મેડલ જીતવાનો છે. ત્યારે દેવેન્દ્ર જયપુરથી ગાંધીનગર આવી ગયા હતા પરંતુ 23 ઓક્ટોબરે ફોન આવ્યો કે તેમના પિતાની તબિયત ખરાબ છે. હવે તે તેમના પિતા માટે ગોલ્ડ મેડલ જીતવા માગે છે. 

દિકરો કરે છે સવાલ 
દેવેન્દ્ર ખુલાસો કરે છે કે તે પિતાના કારણે જ ફરી ગાંધીનગર આવ્યા અને પ્રેક્ટિસ કરી રહ્યાં છે. જે બાદ તે એક જ વાર ઘરે ગયા હતા. તેમનો 6 વર્ષનો દિકરો સવાલ કરે છે કે પપ્પા ઘરે ક્યારે આવશો પરંતુ તે દિકરાને સમજાવી દે છે. દીકરી અને પત્ની તો હવે સમજવા લાગ્યા છે. 

ટોક્યોમાં રમશે દેવેન્દ્ર 
2004 અને 2016 પેરાલંપિકમાં વિશ્વ કીર્તિમાન સાથે ભાલાફેંકમાં ગોલ્ડ જીતતનારા દેવેન્દ્ર આ વખતે પણ ટોક્યોમાં રમશે. તે પિતા માટે ગોલ્ડ જીતવા માગે છે.