BJP નેતા દેવેન્દ્ર ફડણવીસના મહારાષ્ટ્રના મુખ્યમંત્રી અને શરદ પવારના ભત્રીજા અને એનસીપી નેતા અજિત પવાર ઉપમુખ્યમંત્રી બનવાને લઈને દેવેન્દ્ર ફડણવીસની પત્ની અમૃતાએ તેમને અભિનંદન આપતાં એક ટ્વિટ મૂકી હતી. ઉલ્લેખનીય છે કે તેમની પત્ની પણ સોશ્યિલ મીડિયા પર એક્ટિવ રહે છે.
દેવેન્દ્ર ફડણવીસની પત્ની અમૃતા બેંકર છે
એક્સિસ બેંકમાં કરી રહી છે કામ
ગાયિકા અને સોશ્યિલ એક્ટિવિસ્ટ પણ છે અમૃતા
દેવેન્દ્ર ફડણવીસ અને તેમની પત્ની અમૃતા ફડણવીસના લગ્ન 2005માં થયા હતા. તેમની એક દીકરી છે જેનું નામ છે દેવિજા ફડણવીસ છે. દેવેન્દ્ર ફડણવીસના મુખ્યમંત્રી બન્યા બાદ અમૃતાએ ટ્વિટ કરીને પોતાના પતિ અને અજિત પવારને અભિનંદન આપતાં લખ્યું છે કે 'અભિનંદન દેવેન્દ્ર અને અજિત, તમે કરી દેખાડ્યું.'
અમૃતા વ્યવસાયે બેંકર છે અને તે હાલમાં એક્સિસ બેંકમાં કામ કરે છે. આ ઉપરાંત અમૃતા એક સારી ગાયિકા છે અને સોશ્યિલ એક્ટિવિસ્ટ છે. તેમનો જન્મ 9 એપ્રિલ 1979ના રોજ નાગપુરમાં થયો હતો. અમૃતા શાસ્ત્રીય ગાયિકા છે. તેઓએ અનેક સામાજિક કાર્યક્રમોમાં પણ ભાગ લીધો છે અને સાથે મનોરંજન ઉદ્યોગમાં પણ સક્રિય છે.
અમૃતાએ આ રીતે ગાયિકાની કરિયર વિકસાવી
તેઓએ પ્રકાશ ઝાની 'જય ગંગાજલ'માં 'સબ ધન માટી'ના ગીત સાથે પાર્શ્વ ગાયકના રૂપમાં શરૂઆત કરી હતી. આ સિવાય બીજેપીના દિવંગત નેતા 'ગોપીનાથ મુંડે' બાયોપિક 'સંઘર્ષ યાત્રા'માં એક ગીત ગાયું હતું. તેની સાથે તેઓએ મુંબઈ પોલીસના કલ્યાણને માટે ચેરિટી કાર્યક્રમ 'ઉમંગ-2017' અને 'ઉમંગ-2018'માં કામ કર્યું હતું. અમૃતાનો પહેલો સંગીત વીડિયો ફિર સે અમિતાભ બચ્ચન દ્વારા જાહેર કરવામાં આવ્યો હતો. તેને ટી સીરિઝે એક જ દિવસમાં 7 લાખથી વધારે વાર જોવામાં આવ્યો હતો. 3 દિવસમાં તે 1.4 મિલિયનથી પણ વધારે વખત જોવાયો હતો.
રોમેન્ટિક માણસ છે દેવેન્દ્ર ફડણવીસ
મળતી માહિતી અનુસાર અમૃતા ફડણવીસને એક પોગ્રામમાં જણાવ્યું છે કે શું મહારાષ્ટ્રમાં બીજેપીના પહેલાં મુખ્યમંત્રી રોમેન્ટિક છે. તેના જવાબમાં અમૃતાએ કહ્યું હતું કે દેવેન્દ્ર ક્યારેય એ નોટિસ નથી કરતાં કે તેઓએ શું પહેર્યું છે, હેરસ્ટાઈલ કેવી છે, વજન વધ્યું છે કે નહીં. તેઓ મને એટલો પ્રેમ કરે છે કે મારામાં આવનારા બદલાવને જોઈ શકે છે. આ કારણે મને લાગે છે કે તેઓ રોમેન્ટિક વ્યક્તિ છે. આ સાથે તેઓએ કહ્યું કે મને તેમની પાસેથી સૌથી રોમેન્ટિક ચીજ મળી હોય તો તે મારી દીકરી દેવિજા છે.
પહેલાં દેવેન્દ્ર સોરી કહી દે છેઃ અમૃતા
દેવેન્દ્ર ફડણવીસને લઈને અમૃતા કહે છે કે તેઓ ખૂબ જ ભાવુક વ્યક્તિ છે. જ્યારે અમારી વચ્ચે કોઈ ખટપટ થાય છે તો તેઓ જ પહેલાં સોરી કહે છે. દેવેન્દ્ર માને છે કે જીવનનું તથ્ય છે કે પતિએ જ પહેલાં સોરી કહી દેવું જોઈએ. ઘરમાં અમૃતા બોસ છે જ્યારે ફડણવીસ ડિસિઝન મેકર છે.