મહારાષ્ટ્ર સરકાર દ્વારા વિપક્ષના દિગ્ગજ નેતાઓની સુરક્ષા ઘટાડવામાં આવી છે. સરકારે પૂર્વ મુખ્યમંત્રી દેવેન્દ્ર ફડણવીસ, MNS ચીફ રાજ ઠાકરે, કેન્દ્રીય મંત્રી રામદાસ અઠાવલે, ભાજપ નેતા ચંદ્રકાંત પાટીલ, પ્રવીણ દરેકર, પ્રસાદ લાડ અને અન્ય પ્રમુખ વિપક્ષી નેતાઓની સુરક્ષા ઘટાડી છે.
મહારાષ્ટ્ર સરકારે વિપક્ષી નેતાઓની સુરક્ષા ઘટાડી
ભાજપના પૂર્વ CM દેવેન્દ્ર ફડણવીસની સુરક્ષામાં કર્યો ઘટાડો
ફડણવીસની સુરક્ષા Z+થી ઘટાડી Y+ કરવામાં આવી
પૂર્વ મુખ્યમંત્રી દેવેન્દ્ર ફડણવીસની સુરક્ષા Z+ને ઘટાડીને Y+ કરાઈ. રાજ ઠાકરેની સુરક્ષાને Zથી ઘટાડીને Y+ કરાઈ. અમૃતા ફડણવીસની સુરક્ષા Y+Lથી ઘટાડીને X કરાઈ. જ્યારે શત્રુઘ્ન સિન્હાની સુરક્ષા Yથી વધારીને Y+ કરાઈ છે.
ભાજપે ઉદ્ધવ ઠાકરાના નિર્ણયની કરી આકરી ટીકા
ભાજપના ધારાસભ્ય અને પ્રવક્તા રામ કદમે ઉદ્ધવ ઠાકરે સરકારના નિર્ણયની આકરી ટીકા કરી છે અને તેને વેરની રાજનીતિ હેઠળ લેવામાં આવેલ એક પગલું ગણાવ્યું છે. કદમે કહ્યું, “વરિષ્ઠ પોલીસ અધિકારીઓ સુરક્ષા કવચ ચાલુ રાખવાનો હક હોવા છતાં આ પગલું લેવામાં આવ્યું હતું. ભાજપના નેતાઓનું સુરક્ષા કવચ ઓછું કરવા પાછળનું કારણ શું છે? સરકાર અમારા અવાજો મૌન કરવા માંગે છે. અમારા નેતાઓએ સરકારના નિષ્ફળતાઓને ઘણા મોરચે જાહેર કર્યા છે. પરંતુ તેઓ અમારા અવાજને આ રીતે દબાવતા નથી, અમે તેમનો ખુલાસો કરવાનું ચાલુ રાખીશું. "