દિલ્હી: માલદીવમાં ચીન ઝડપથી પગ પેસારો કરી રહ્યું છે. ચીનની વધતી દખલને અમેરિકાની ઉંઘ હરામ કરી છે. માલદીવમાં ચીનની દખલગીરી ભારત માટે ચિંતાનો વિષય છે. થોડાક સમય પહેલાં જ માલદીવાના પૂર્વ મંત્રીએ ચીન પર માલદીવમાં જમીન પચાવાનો આરોપ મૂકયો હતો અને કહ્યું હતું કે જો આ સ્થિતિ પર કાબૂ મેળવ્યો નહીં તો ભારત અને અમેરિકા બંને માટે મોટો ખતરો ઉભો થઇ શકે છે.
ચીનની વધતી દખલને લઈને અમેરિકાના અધિકારીએ મહત્વનું નિવેદન આપ્યું હતું. અમેરિકા એક સ્વતંત્ર અને ખુલ્લા ઇન્ડિયા-પેસિફિક નિયમો માટે પ્રતિબદ્ધ છે પરંતુ જ્યાં સુધી ચીનના પ્રભાવની વાત છે. માલદીવમાં ચિંતા કરનારી ગતિવિધિઓ જોવા મળી છે. આ સ્થિતિ ભારત માટે ચિંતાજનક છે અને અમારા માટે પણ આ ચિંતાનો વિષય છે. હવે બસ જોવાનું છે કે તેના પરથી કેવી રીતે છુટકારો મેળવવો. આ અમારી પ્રાથમિકતાઓમાં સામેલ છે.
અમેરિકા અને ભારત માટે ચિંતાનો વિષય
માલદીવમાં ચીનનો હસ્તક્ષેપ અમેરિકાની સાથે સાથે ભારત માટે પણ ચિંતાનો વિષય છે. કારણ કે ચીન અને ભારતની વચ્ચે સમયાંતરે વિવાદ ચાલી રહ્યો છે. માલદીવની સાથે પણ ભારતના સંબંધોમાં તણાવ આવી ગયો હતો જ્યારે ત્યાંના રાષ્ટ્રપતિએ ફેબ્રુઆરીમાં માલદીવમાં ઇમરજન્સી જાહેર કરી હતી. એવામાં ચીનની માલદીવ સાથેની નિકટતા ભારત માટે પરસેવો છોડાવનાર છે.
ઉલ્લેખનીય છે કે અમેરિકાની મુલાકાત દરમ્યાન માલદીવના પૂર્વ વિદેશ મંત્રી અહમદ નસીમે આરોપ મુકતા કહ્યું કે ચીન માલદીવની આંતરિક બાબતોમાં હસ્તક્ષેપ કરી રહ્યું છે અને ત્યાં જમીન પચાવાની કોશિષ કરી રહ્યું છે. અહમદ નસીમે એમ પણ કહ્યું હતું કે જો તેના પર નજર રાખવામાં નહીં આવે અને કંઇપણ થયું નહીં તો અમેરિકા અને ભારત બંને માટે ખતરો પેદા થઇ જશે.
આપને જણાવી દઇએ કે માલદીવમાં ચીનની આ ગતિવિધિઓએ તમામ રાજ્યો માટે ચિંતાનો વિષય છે. ચીનની કેટલીક ગતિવિધિઓ જે આપણે જોઇ છે તે ચિંતિત કરે છે કારણ કે તે એ હિતોની અનુરૂપ નથી. મને શંકા છે કે ભારત આ ચિંતાઓને વ્યત કરે છે કે નહીં.