સુવિધાઓ બહુ ભોગવી લીધી, પહેલા પ્રજાના કામ કરો. જિલ્લા પંચાયતોમાં લાગેલા AC દૂર કરવા આદેશ કરવામાં આવ્યો છે. વિકાસ કમિશનરે આ આદેશ કર્યો છે. 30 જાન્યુઆરી સુધીમાં AC હટાવી રિપોર્ટ કરવાના આદેશ કર્યાં છે.
જિલ્લા પંચાયતોમાં લાગેલા AC દૂર કરવા વિકાસ કમિશનરે DDOને કર્યો આદેશ
અત્યાર સુધીના AC વપરાશનું બીલ અધિકારીઓ પાસેથી વસૂલવા આદેશ
ચેમ્બર, એન્ટી ચેમ્બર અને વાહનોમા લાગેલા AC દૂર કરવા આદેશ
અત્યાર સુધી AC વપરાશનુ વીજ બિલ અધિકારી પાસેથી વસૂલવાના વિકાસ કમિશનર દ્વારા આદેશ કરવામાં આવ્યાં છે. કલાસ 1 અને કલાસ 2ના અધિકારી પણ AC વાપરી શકે નહિં. AC દૂર કરી અત્યાર સુધીનો તમામ ખર્ચ વસૂલવાનો આદેશ કરવામાં આવ્યો છે.
આ મામલે એક પરીપત્ર જાહેર કરવામાં આવ્યો છે. જેમાં જણાવાયું છે કે, ક્લાસ 1 અને ક્લાસ 2ના અધિકારીઓ તેમને મળતી સગવડો કચેરીમાં કરાવે છે. જેમાં AC ચેમ્બર અને AC વાહનની છે. એવું પણ સામે આવેલું કે વિવાદ ઉભો ના થાય તે માટે અધિકારીઓ સ્વખર્ચે આ પ્રકારની સુવિધાઓ ઉભી કરાવે છે. જેના કારણે વધારાનું વીજળી બિલ અને પેટ્રોલ-ડીઝલનો ખર્ચ સરકાર પર જ આવે છે. તેથી જે સુવિધા મળવા પાત્ર ના હોય તે સગવડો તેઓ ભોગવી શકે નહીં.
ચેમ્બર, એન્ટી ચેમ્બર અને વાહનોમાં લાગેલા AC દૂર કરવા આદેશ કરવામાં આવ્યો છે. DDOને તમામ અધિકારીઓના ચેમ્બરમાંથી AC દૂર કરવા આદેશ કર્યાં છે. અધિકારી લોકફાળાથી AC વાપરી શકે નહીં.