થોડા સમય પહેલા રાજકોટમાં લોકસાહિત્યકાર દેવાયત ખવડની પાડોશી સાથે બબાલ થઇ હતી જેને લઇને કલાકારે સ્પષ્ટતા કરી છે.
લોકસાહિત્યકાર દેવાયત ખવડની બબાલનો મામલો
દેવાયત ખવડે સમગ્ર મામલે કરી સ્પષ્ટતા
ખોટી વાતો ફેલાવાઇ હોવાનો કર્યો આરોપ
રાજકોટમાં થઇ હતી બબાલ
રવિરત્ન પાર્ક સોસાયટીમાં દેવાયત ખવડની બબાલને લઇ વિવાદ થયો છે. ત્યારે સમગ્ર મામલે દેવાયત ખવડે સ્પષ્ટતા કરી છે. તેઓએ કહ્યું કે મારી બન્ને તરફ રહેતા પાડોશીઓ વચ્ચે બબાલ ચાલતી હતી અને તેમની વચ્ચે 8 મહિનાથી બબાલ ચાલી રહી હતી.
દેવાયતના ઘર પાસે બબાલ
બે દિવસ પહેલા 7થી 8 લોકોએ મારા ઘર પાસે હોબાળો કર્યો હતો અને મારા ઘર નજીક બેસેલા પાડશીઓને ડરાવવા લાગ્યા હતા. ત્યારે મામલો વધુ ઉગ્ર બનતા મેં બંનેને અલગ કર્યા હતા. મેં મારો પાડોશી ધર્મ નિભાવ્યો હતો અને કોઇ હથિયાર હાથમાં ન હતું લીધું. મારી સામે સોશ્યલ મીડિયામાં ખોટી રીતે વાત ફેલાવાઇ છે.
મેં તો પાડોશી ધર્મ નિભાવ્યો પણ...
કહેવાય છે કે પહેલો સગો તે પાડોશી અને દેવાયતે કહ્યું કે, તેણે પણ પોતાનો પાડોશી ધર્મ જ નિભાવ્યો હતો. તેના ઘરની આસપાસના બે ઘરમાં બબાલ થઇ રહી હતી અને કેટલાક લોકો તેના ઘર પાસે બેઠેલા લોકોને ડરાવતાં હતા એટલા માટે તેણે વચ્ચે પડવું પડ્યું અને ઝઘડતાં બે પાડોશીને છોડાવ્યા હતા. એક બાજુ પટેલ અને એક બાજું જાડેજા પરિવાર રહે છે. મારા ઘર પાસે બેઠેલા વ્યક્તિ સાથે રકઝક કરવાં લાગ્યા હતા ત્યારે મેં તેમને છોડાવ્યા હતા. સોશ્યલ મીડિયા પર મને બદમાન કરવાના પ્રયાસ કરવામાં આવી રહ્યાં છે.
પાડોશી પર લાકડી ઉગામવાની અફવા
સોશ્યલ મીડિયા પર વીડિયો વાયરલ થયો હતો, તેમાં કહેવામાં આવ્યું હતું કે દેવાયતે પોતાના જ પાડોશી પર લાકડી ઉગામી હતી. જે દ્રશ્યો કેમેરામાં કેદ થઇ ગયા હતા અને લોકો તેના પર ટિપ્પણી કરી રહ્યાં હતા.
પબુભા પર દેવાયતે બનાવ્યો હતો વીડિયો
દેવાયત ખવડે પબુભાના વિરૂદ્ધમાં એક વીડિયો બનાવ્યો હતો. જેને લઇને દેવાયત ખવડને જાનથી મારી નાખવાની ધમકી મળી હતી. રાજભા કેર નામના શખ્સે મારી નાખવાની ધમકી આપી હતી. જોકે આ વીડિયો બાદ દેવાયત ખવડના સમર્થનમાં પણ કેટલાક વીડિયો સોશિયલ મીડિયામાં વાયરલ થયા હતા.
દેવાયત ખવડે પબુભા વિરૂદ્ધ વીડિયો બનાવતા રાજભા કેરે ધમકી આપતા કહ્યું હતું કે, દેવાયત ખવડ હું તને ચોખ્ખી ધમકી આપું છું. તુ દ્વારકા આવતો નહીં, હું જ તારુ મર્ડર કરીશ. નહીં તો મારે જીલ્લા જેલમાં જવું પડશે. પબુભા વિશે બોલવાનું રહેવા દો.