મોરારિ બાપુ પર હુમલા પ્રયાસ પ્રકરણમાં પબુભા સામે લોકોમાં રોષ જાગ્યો છે. તેવામાં દેવાયત ખવડે પબુભાના વિરૂદ્ધમાં એક વીડિયો બનાવ્યો હતો. જેને લઇને દેવાયત ખવડને જાનથી મારી નાખવાની ધમકી મળી છે. રાજભા કેર નામના શખ્સે મારી નાખવાની ધમકી આપી છે. જોકે આ વીડિયો બાદ દેવાયત ખવડના સમર્થનમાં પણ કેટલાક વીડિયો સોશિયલ મીડિયામાં વાયરલ થયા છે.
દેવાયત ખવડને જાનથી મારી નાખવાની ધમકી આપવામાં આવી છે. રાજભા કેર નામના શખ્સે તેને મારી નાખવાની ધમકી આપી છે. દેવાયત ખવડે પબુભાની વિરુદ્ધમાં બનાવેલા વીડિયો મામલે ધમકી આપવામાં આવી છે.
દેવાયત ખવડે પબુભા વિરૂદ્ધ વીડિયો બનાવતા રાજભા કેરે ધમકી આપતા કહ્યું કે, દેવાયત ખવડ હું તને ચોખ્ખી ધમકી આપું છું. તુ દ્વારકા આવતો નહીં, હું જ તારુ મર્ડર કરીશ. નહીં તો મારે જીલ્લા જેલમાં જવું પડશે. પબુભા વિશે બોલવાનું રહેવા દો. પબુભા માણેક મોરારિ બાપુને મારવા દોડ્યા હતા
કથાકાર મોરારી બાપુ હાલ ખુબ ચર્ચામાં છે. થોડા સમય પહેલા દ્વારિકામાં ધર્મ સ્થાપના અને કૃષ્ણ પરિવાર અંગે નિવેદનને લઇને ભારે વિવાદમાં આવ્યા હતા. જે બાદ યદુવંશીઓનો વિરોધ અને આક્રોષ જોતા બાપુએ 2 વખત માફી માંગી હતી. ત્યાર બાદ આહીર સમાજના સંગઠનો દ્વારા માંગ કરવામાં આવી હતી કે મોરારિ બાપુ દ્વારકા આવીને ભગવાનની માફી માંગે. ત્યાર બાદ તેઓ દ્વારકા સાક્ષાત કૃષ્ણના દર્શને ગયા અને માફી માગી. પરંતુ દ્વારકામાં કૃષ્ણ ભક્ત અને ભાજપના નેતા પબુભા માણેના રોષનો સામનો કરવો પડ્યો. પબુભા મારવા દોડ્યા તો સાંસદ પુનમ માડમે પબુભાને રોકી લીધા હતા. પરંતુ આ ઘટના બાદ સંતો અને આહીર સમાજ હુમલાની વિરુદ્ધમાં મેદાનમાં આવ્યા છે. પબુભા બાપુની માફી માંગે તેવી માંગ કરવામાં આવી રહી છે. તેવામાં હવે દેવાયત ખવડને ધમકી મળી છે.