IPLIN
 

સપનાનું ઘર! / VIDEO: દેવાયત ખવડનો રાજમહેલ જેવો આલીશાન બંગલોઃ ઘરમાં જ મીની થિયેટર, અંદરનો નજારો જોઈને થઇ જશો આફરીન

Team VTV 08:53 PM, 17 Jul 22 | Updated: 09:03 PM, 17 Jul 22
Follow us
Devayat Khavad rajkot new home bungalow video Documentary

છેલ્લા કેટલાક સમયથી ગુજરાતના લોક સાહિત્યકારો કલાકારો અને સંગીતકારોનો જમાનો ચાલી રહ્યો છે. હાલ અનેક કલાકારો ખુબ પ્રખ્યાત બન્યા છે તેમાંના એક કલાકાર છે દેવાયત ખવડ.

  • સાહિત્ય કલાકાર દેવાયત ખવડે બનાવ્યું નવું ઘર
  • બંગલાના ફોટો અને વીડિયો કર્યા શેર
  • ઘરની અંદરનો અદભૂત નજારો

દેવાયત ખવડ ખુબ જ સફળ સાહિત્ય કલાકાર છે, તેમના ડાયરામાં લાખોની સંખ્યામાં ચાહકો ઉમટી પડતા હોય છે. તેમના કાર્યક્રમમાં હંમેશા વટ, ખુમારી અને દાતારીના દાખલા દેવાતા હોય છે. સાથે તેઓ ભવ્ય આલીશાન જીવન જીવી રહ્યા છે. જોકે દેવાયત ખવડની આ સફળતા પાછળ તેમના ઘણાં વર્ષોનો સંઘર્ષ અને અથાક મહેનતનું પરિણામ છે. 

દેવાયત ખવડે પોતાના નવા ઘરની બનાવી ડોક્યૂમેન્ટ્રી

હાલ તેઓ પોતાના શોખ પુરા કરી રહ્યા છે. તેમણે હાલમાં જ પોતાના નવા ઘરના ફોટો અને વીડિયોની ઝાંખી બતાવી છે. રાજકોટ ખાતે બનાવેલા નવા બંગલાનો નજારો રાજમહેલ જેવો છે. મંદિર અને મંદિર પર ઝુંમર, મિનિ થિયેટર, રઝવાડી ઝુલા, સોફા અને બેટ, ફુલદાની, અદભુત ઘડીયાળ, ઇન્ટર ડિઝાઇન, રૂમમાં પોતાની ફોટો ગેલેરી, કાચના બારી-દરવાજા, લાઇટવાળા પંખા, દાદરની કાચની દિવાલ, જબરદસ્ત ફર્નિચર, છત અને દિવાલ પર નક્શી કામ, શાનદાર લાઇટિંગ, આકર્ષક પડદા, એસી અને એલઈડી ટીવી, શિવાજીની મૂર્તિ, પોતાના એવોર્ડ અને મા સરસ્વતીનું ચિત્ર ઘરની શોભા વધારી રહ્યું છે. દેવાયત ખવડે સોશિયલ મીડિયા પર પોતાના ઘરની ડોક્યૂમેન્ટ્રી શેર કરી છે. આ વીડિયોમાં ઘરના રાત્રીના નજારને ફિલ્માવવામાં આવ્યો છે. જબરદસ્ત લાઇટિંગથી ઝગમગી ઉઠ્યો છે બંગલો. ત્યારે તમે પણ નિહાળો દેવાયત ખવડના નવા ઘરને.

દેવાયત ખવડે પોતાના ઇન્સ્ટાગ્રામ પર પણ પોતાના નવા ઘરની પોસ્ટ મુકી છે. 

દેવાયત ખવડના બાળપણથી યુવાની સુધી...

દેવાયત ખવડ મૂળ દુધઈ ગામના રહેવાસી છે. તેમણે એકથી સાતમાં ધોરણ સુધીનો અભ્યાસ પોતાના ગામ દૂધઈમાં કર્યો હતો. ત્યારબાદ તેઓએ પોતાનું માધ્યમિક શિક્ષણ સડલા ગામમાં લીધું હતું. તેમને ભણવામાં ખૂબ જ ઓછો રસ હતો, તેમણે ધીમે ધીમે ગાવાનું શરૂ કર્યું હતું. તે સમયે સૌથી પહેલા તેમણે ઇશરદાન ગઢવીને તેઓ ખૂબ સાંભળતા હતા. બાદમાં ધીરે-ધીરે તેઓ આગળ આવ્યા હતા.
 

Devayat Khavad rajkot દેવાયત ખવડ રાજકોટ ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ