આપણા શરીરને દરરોજ અંદરથી સફાઈની જરૂર હોય છે. આ માટે આપણે કેટલીક મહત્વપૂર્ણ ટીપ્સ અપનાવવી પડશે. નહીં તો શરીરને ઘણું નુકસાન થઈ શકે છે.
શરીરને અંદરથી સાફ કરવું જરૂરી
આ રીતે કરો તમારી બોડી ડીટોક્સ
શરીરની બહાર નિકળી જશે ઝેરીતત્વો
ભારતમાં એવા ઘણા લોકો છે જેઓ હેલ્ધી ડાયટ રૂટિનનું પાલન કરતા નથી અને કંઈપણ ખાઈ લે છે. આના કારણે શરીરમાં ઝેરીતત્વોનું પ્રમાણ નોંધપાત્ર રીતે વધે છે. ઝેરી પદાર્થો આપણા શરીર માટે બિલકુલ સારા નથી. કારણ કે તે તમામ પ્રકારની સમસ્યાઓનું કારણ બને છે. GIMS હોસ્પિટલ ગ્રેટર નોઇડામાં કામ કરતા પ્રખ્યાત ડાયટિશિયન ડૉ. આયુષી યાદવે જણાવ્યું કે કેટલાક ઘરેલું ઉપચારની મદદથી આપણે આપણા શરીરને ડિટોક્સિફાય કરી શકીએ છીએ, અને તેને અપનાવવું પણ ખૂબ જ સરળ છે.
બોડી ડિટોક્સ કરવાની રીત
હેલ્દી ડાયેટ લો
જો આપણે હેલ્દી ડાયેટ લઈએ તો શરીરમાંથી ઝેરી તત્વોને બહાર કાઢવામાં સરળતા રહે છે. તેનાથી ઉંધુ તળેલુ અથવા ફાસ્ટ અને જંક ફૂડ ખાવાથી ઝેરીતત્વો વધે છે. સામાન્ય રીતે લીલા શાકભાજી, ફળો, ગ્રીન ટી, સલાડ લીંબુનો રસ, એપલ સાઈડર વિનેગર જેવી વસ્તુઓ શરીરને ડિટોક્સ કરવામાં મદદ કરે છે. એટલા માટે મોટાભાગના આરોગ્ય નિષ્ણાંતો સંતુલિત આહાર લેવાની સલાહ આપે છે.
રેગ્યુલર વર્કઆઉટ કરો
સામાન્ય રીતે લોકો ફિટનેસ અને વજન ઘટાડવા માટે વર્કઆઉટ કરે છે. પરંતુ તમને જાણીને નવાઈ લાગશે કે નિયમિત કસરત પણ શરીરને ડિટોક્સ કરવામાં ઘણી મદદ કરે છે. જિમ અથવા મેદાનમાં પરસેવો પાડવાથી શરીરમાં ઝેરીતત્વોનું નિર્માણ ઘટે છે અને લોહી યોગ્ય રીતે પમ્પ થવાથી શુદ્ધ થાય છે. તમે બ્રિધિંગ એક્સરસાઈઝ, સ્ટ્રેચિંગ અને યોગ જરૂરકરો તેનાથી ઘણો ફાયદો થઈ શકે છે.
પુરતી ઊંઘ લો
મોટાભાગના આરોગ્ય નિષ્ણાંતો માને છે કે શરીરને ડિટોક્સિફાય કરવા માટે પૂરતી ઊંઘ લેવી જરૂરી છે. તે આપણા કોષોને રિકવર કરી ઝેરને બહાર કાઢવામાં મદદ કરે છે. 24 કલાકમાં ઓછામાં ઓછી 8 કલાકની ઉંઘ લેવાનો પ્રયત્ન કરો. તેનાથી શરીર સ્વસ્થ રહેશે અને માનસિક સ્વાસ્થ્ય પર પણ અસર નહીં થાય.
શરીરમાં ન થવા દો પાણીની કમી
આપણા શરીર માટે પાણી ખૂબ જ જરૂરી છે કારણ કે મોટા ભાગનું શરીર આ એક વસ્તુથી બનેલું છે. પાણી પીવાથી આપણું શરીર હાઇડ્રેટ રહે છે. જે લોહીને શુદ્ધ કરવામાં મદદ કરે છે. જો તમે વધુ પાણી પીશો તો ઝેર પેશાબ દ્વારા બહાર આવશે. જેના પછી ત્વચા પર જબરદસ્ત ગ્લો આવશે અને ચહેરા પરના પિમ્પલ્સ પણ ગાયબ થવા લાગશે. ધ્યાનમાં રાખો કે તમારે દિવસમાં 7 થી 8 લિટર પાણી પીવું જ જોઈએ.