ચિખલી કસ્ટોડિયલ ડેથ મામલે પોલીસે ધારાસભ્ય અનંત પટેલની અટકાયત કરી છે. જેના કારણે સમર્થકોમાં રોષનો માહોલ જોવા મળી રહ્યો છે.
કસ્ટોડિયલ ડેથ મામલે ધારાસભ્ય અનંત પટેલની અટકાયત
મહિલાઓએ અને સમર્થકો પોલીસનો કર્યો વિરોધ
ઉનાઈ તેમના ઘરે જઈને પોલીસે કરી ધારાસભ્યની અટકાયત
ચીખલીમાં થયેલ કસ્ટોડિયલ ડેથના વિરોધને લઈને પોલીસ દ્વારા ધારાસભ્ય અનંત પટેલની અટકાયત કરવામાં આવી છે. જેને લઈને આ મામલો હવે વધું ગરમાયો છે. કસ્ટોડિયલ ડેથનો વિરોધ કરી રહેલા ધારાસભ્ય અનંત પટેલની પોલીસે ઉનાઈમાં તેમના ઘરે જઈને અટકાયત કરી હોવાનું સામે આવ્યું છે.
સમર્થકોએ પોલીસનો ભારે વિરોધ કર્યો
સમગ્ર મામલે મહિલાઓએ તેમજ તેમના સમર્થકોએ પોલીસનો ભારે વિરોધ કર્યો જેના કારણે અનંત પટેલની અટકાયત કરવામાં આવી છે. જેમા નાયબ પોલીસ અધિક્ષક દ્વારા ધારાસભ્યને સમજાવીને તેમને અટકમાં લેવામાં આવ્યા છે. આપને જણાવી દઈએ કે કસ્ટોડિયલ ડેથને લઈને ચીખલી અને વાંસદા તાલુકામાં ઠેર ઠેર પોલીસનો વિરોધ કરવામાં આવી રહ્યો છે.
આદિવાસી સામજની ન્યાયની માગ
ઘટના અંગે જો વિગતવાર વાત કરીએ તો આદિવાસી સમાજ દ્વારા પોલીસ કર્મીઓ સામે FIR દાખલ કરવામાં આવી હતી. જોકે હજુ સુધી કોઈ કાર્યવાહી નથી થઈ જેને કારણે આદિવાસી સમાજ દ્વારા ન્યાયની માગણી કરવામાં આવી રહી છે.
કેસ સીઆઈડીને સોંપવાની માગ કરાઈ
ઉલ્લેખનીય છે કે સમગ્ર મામલે સામજ દ્વારા એવું કહેવામાં આવ્યું છે કે પોલીસ અધિકારીઓને બચાવાના પ્રયાસ કરી રહી છે. જેથી સમાજ દ્વારા એવી માગ કરવામાં આવી છે કે આ કેસ માટે એસાઈટી નીમવામાં આવે અથવા તો આ કેસ સીઆઈડીને આપવામાં આવે. સાથેજ જવાબદાર પોલીસ કર્મીઓને સસ્પેન્ડ કરવા પણ સમાજ દ્વારા માગ કરવામાં આવી છે.