દુનિયાનો સૌથી સસ્તો ફીચર ફોન રજૂ કર્યા બાદ હવે Detel (ડીટલ) એ Z-talk ઍપની સાથે ફીચર ફોનની નવી સીરિઝ લૉન્ચ કરી રહ્યું છે. આ યુઝર્સને ચૅટ કરવા અને ફીચર ફોન્સ દ્વારા ઍન્ડ્રોઈડ અને iOS સ્માર્ટફોન યુઝર્સને મીડિયા શૅર કરવાની સુવિધા આપે છે.
Detel ફોનની કિંમત માત્ર 625 રૂપિયા
ફીચર ફોનમાં ડિજિટલ કેમેરા અને વાયરલેસ FM પણ
સ્માર્ટફોન્સથી કનેક્ટ કરી શકશો ફીચર ફોન
કંપનીએ પોતાની નવી સીરિઝ હેઠળ 4 મૉડલ્સ લૉન્ચ કર્યા છે. કંપનીએ D1 ગુરુ, D1 ચૅમ્પ, D1 સ્ટાર અને D1 મૅક્સ લૉન્ચ કર્યા છે જેની કિંમત ક્રમશઃ 625 રૂપિયા, 649, 799 અને 999 રૂપિયા છે. નવા ફીચર ફોન ડીટલની વેબસાઈટ ઍપ Flipkart, Amazon અને Paytm Mall પર મળશે.
ફીચર ફોનમાં ડિજિટલ કેમેરા અને વાયરલેસ FM પણ
કંપનીનો દાવો છે કે તેઓ 1000 રૂપિયાની ઓછી કિંમતમાં પ્રથમ વખત ઈન્ડસ્ટ્રીમાં મેસેજિંગ ઍપ Z-talk આપી રહી છે. ડીટલ D1 ગુરુમાં અને ચૅમ્પમાં 1.8 ઈંચની LCD ડિસ્પ્લે આપવામાં આવી છે. જ્યારે ડીટલ D1 સ્ટાર અને મેક્સમાં ક્રમશઃ 2.4 ઈંચ અને 2.8 ઈંચની LCD ડિસ્પ્લે આપવામાં આવી છે. આ ફીચર ફોનમાં ડિજિટલ કેમેરા, વાયરલેસ FM, કૉલ બ્લૅકલિસ્ટ, પાવરસેવિંગ મોડ, SOS અને ટૉર્ચ જેવા શાનદાર ફીચર્સ પણ છે. આ ઉપરાંત ડીટલ D1 સ્ટાર અને મેક્સમાં બ્લૂટૂથ ડાયલર ફીચર પણ અપાયું છે.
સ્માર્ટફોન્સથી કનેક્ટ કરી શકશો ફીચર ફોન
બ્લૂટૂથ ડાયલર ફીચરની સાથે યુઝર્સ સરળતાથી સ્ટાર અને મેક્સને પોતાના સ્માર્ટફોન્સની સાથે કનેક્ટ કરી શકશે. ડીટલના ચારેય ફીચર ફોનમાં ઑડિયો/વીડિયો પ્લેયર અપાયા છે. ડીટલ D1 મેક્સમાં 1500 mAhની બેટરી છે જ્યારે અન્ય ત્રણ મોડલમાં 1000 mAh બેટરી અપાઈ છે. ફોનમાં કૉલ બ્લેકલિસ્ટ અને ફોન વાઈબ્રેટરનું ફીચર પણ છે.