કોવિડ 19 / કોરોના વાયરસની રસીની રેસ : જુઓ કઈ કંપની કેટલા રૂપિયામાં આપી શકે છે એક ડોઝ

• અમેરિકામાં 2800 રૂપિયામાં આપવામાં આવી શકે છે રસીનો ડોઝ 
• ફાઈઝર કંપનીની રસીની કિંમત ત્રણ હજારથી આસપાસ 
• ભારતમાં પણ ઘણી બધી કંપનીઓ કરી રહી છે રસી પર કામ 

ભારતમાં કોરોના વાયરસથી થોડી રાહત મળ્યા બાદ તહેવાર બાદ સતત કેસમાં વધારો થઇ રહ્યો છે. એવામાં હવે આતુરતાથી કોરોના વેક્સિનની રાહ જોવામાં આવી રહી છે. આવતા વર્ષે કોરોના વાયરસની રસી ભારતમાં આવી જશે એવી આશા છે ત્યારે વિશ્વમાં ઘણી બધી વેક્સિન તેના અંતિમ ટ્રાયલમાં આવી ગઈ છે અને ઘણી વધી કંપનીઓ દ્વારા દાવો કરવામાં આવી રહ્યો છે કે તેમની રસી વધુ સારી છે. 

અમેરિકા જર્મની સહીતના અનેક દેશોની કંપનીઓ હવે રસીની કિંમત પર વિચાર કરી રહ્યા છે. અમેરિકામાં આશા છે કે દરેક વ્યક્તિને 32-37 ડોલર એટલે કે 2800 રૂપિયામાં કોરોના વાયરસની રસીનો ડોઝ આપવામાં આવશે. 

ફાઈઝર નામક કંપનીએ કહ્યું છે કે તેને રસી માટે કોઈ જ ફેડરલ ફંડીંગ આપવામાં આવી નથી અને એક રસીના ડોઝની કિંમત 3000 રૂપિયા હોઈ શકે છે.  

ઓક્સફર્ડ યુનિવર્સિટીની રસી પ્રમાણમાં વધારે સસ્તી છે. COVISHEILD નામની રસીને મધ્યમ અને ઓછી આવક ધરાવતા દેશોને 3 ડોલર એટલે સવા બસો રૂપિયામાં ઉપલબ્ધ કરાવવાનો દાવો કરવામાં આવી રહ્યો છે. ભારતમાં સિરમ ઇન્સ્ટીટયુટમાં આ રસી પર કામ કરવામાં આવી રહ્યું છે. અને સિરમના CEO અદાર પૂનાવાલાએ સંકેત આપ્યા છે કે એક હજાર રૂપિયાથી ઓછી કિંમતમાં રસી મળી શકે છે. 

નોવામેક્સ નામક રસીનું પણ ભારતમાં સિરમ ઇન્સ્ટીટયુટમાં જ ઉત્પાદન કરવામાં આવી રહ્યું છે. એવામાં 240 રૂપિયામાં એક ડોઝની કિંમતમાં કંપની ઉત્પાદન કરી રહી છે. 

હવે સવાલ એ થાય છે કે આ રસીના ડોઝ કઈ રીતે આપવામાં આવશે ? તો જવાબ છે કે તમામ બીજી રસીની જેમ જ  ઈન્જેકશન દ્વારા આ રસી માનવ શરીરમાં આપવામાં આવશે. ફાઈઝર, મોડર્નાં, સ્પુતનિક અને ઓક્સફર્ડના ડોઝ પ્રવાહી સ્વરૂપમાં છે.