BIG NEWS / 1 કરોડનો વીમો, 30 દિવસની રજા સહિતની સુવિધા... વાયુસેનાએ જાહેર કરી અગ્નિપથ યોજનાની માહિતી

• કેન્દ્રની મોદી સરકાર લાવી છે અગ્નિપથ યોજના
• આ યોજના લોકો સુધી પહોંચાડવા માટે નવી નવી જાહેરાત થઈ
• ત્યારે હવે વાયુસેનાએ આ યોજનાને લઈને જાણકારી આપી છે

ભારત સરકારની અગ્નિપથ યોજનાને લઈને દેશમાં હોબાળો મચેલો છે. હિંસક પ્રદર્શનને લઈને રાજકીય વિરોધ પણ તેમાં સામેલ છે. તો વળી સરકાર આ યોજનાને લઈને સતત બચાવ કરતી દેખાઈ રહી છે. તેના વિશે લોકોને અલગ અલગ પ્રકારની જાણકારી આપી લોકોના મગજમાં આ યોજનાના ફાયદો પહોંચાડવાનું કામ કરી રહી છે. આ જ ક્રમમાં ભારતીય વાયુસેનાએ આ યોજના વિશે જાણકારી પોતાની વેબસાઈટ પર આપી છે. અહીં વાયુસેનાએ આ યોજના વિશે સંપૂર્ણ વિગતો જણાવી છે.  

'Agnipath' recruitment scheme details released by Indian Air Force

2/2 pic.twitter.com/8bIXlTp7sJ

— ANI (@ANI) June 19, 2022

ભારતીય વાયુસેનાના જણાવ્યા અનુસાર અગ્નિવીરોને આ સુવિધા આપવામાં આવશે, જે એક સેનાના જવાનોને આપવામાં આવે છે. અગ્નિવીરોને પણ સેનામાં તેવી જ જિંદગી જીવશે, જેવી એક સૈનિક જીવે છે, આ ઉપરાંત ઘણી બધી સુવિધાઓ અગ્નિવીરોને આપવાની વાત કહેવામાં આવી છે. 

જોઈ લો શું શું મળશે સુવિધા

• સેલરીની સાથે સાથે હાર્ડશિપ અલાઉંસ, યુનિફોર્મ અલાઉંસ, કેન્ટિન સુવિધા અને મેડિકલ સુવિધા પણ આપવામાં આવશે, જેવી રીતે એક રેગ્યુલર સૈનિકને મળે છે. ટ્રાવેલ અલઉંસ પણ મળશે. 
• વર્ષમાં 30 દિવસની રજા મળશે, મેડિકલ લીવ અલગથી મળશે.
• સર્વિસ (ચાર વર્ષ) દરમિયાન જો કોઈનું મૃત્યુ થઈ જાય છે, તો તેને ઈંશ્યોરંસ કવર મળશે, લગભગ 1 કરોડ રૂપિયા પરિવારને મળશે.
• ડ્યૂટી દરમિયાન વિકલાંગ થવા પર એક્સ ગ્રેશિયા 44 લાખ રૂપિયા મળશે. સાથે જ જેટલી નોકરી વધી હશે, તેમની સમગ્ર સેલરી પણ મળશે અને સેવા નિધિ પેકેજ પણ મળશે
• અગ્નિવીરોને કુલ 48 લાખનો ઈંશ્યોરંસ મળશે. ડ્યૂટી પર વીરગતિ પ્રાપ્ત કરનારાને એક સાથે સરકાર તરફથી 44 લાખ રૂપિયા આપવામાં આવશે અને સેવા નિધિ પેકેજ પણ મળશે. આ ઉપરાંત જેટલી નોકરી વધી હશે, તેની પુરી સેલરી પણ મળશે.