રાજકોટ પોલીસ દ્વારા જીલ્લામાં ગેરકાયદેસર દારૂનું વેચાણ કરતા બુટલેગરો પર રેડ કરી લાખ્ખો રૂપિયાના ઈગ્લીશ દારૂ ઝડપી પાડ્યો હતો. 2022-23 દરમિયાન રૂ. 4.94 કરોડનો દારૂ ઝડપ્યો.
વર્ષ 2022-23 દરમિયાન રૂા. 4.94 કરોડનો વિદેશી દારૂ ઝડપાયો
ઉચ્ચ પોલીસ અધિકારીઓ તેમજ મેજીસ્ટ્રેટની હાજરીમાં જથ્થાનો નાશ કરાયો
રાજકોટ પોલીસ દ્વારા જીલ્લામાં ગેરકાયદેસર દારૂનું વેચાણ કરતા બુટલેગરો પર રેડ કરી લાખ્ખો રૂપિયાના ઈગ્લીશ દારૂ ઝડપી પાડ્યો હતો. વર્ષ પૂર્ણ થતા પોલીસ દ્વારા વર્ષ દરમિયાન પકડેલ વિદેશી દારૂનાં જથ્થાનો વર્ષ પૂર્ણ થતા ઉચ્ચ અધિકારીઓ તેમજ મેજીસ્ટ્રેટની હાજરીમાં ઝડપી પાડ્યો હતો.
મેજિસ્ટ્રેટની હાજરીમાં દારૂ પર બુલડોઝર ફેરવાયું
રાજકોટ શહેરના કુવાડવા પોલીસ સ્ટેશન વિસ્તારમાં આવતા સોખડા ખાતે રાજકોટ શહેર પોલીસ દ્વારા ઝડપી પાડવામાં આવેલા કરોડો રૂપિયા ના દારૂ ઉપર બુલડોઝર ફેરવી દેવામાં આવ્યું છે. વર્ષ 2022-23 દરમિયાન ક્રાઈમ બ્રાન્ચ સ્પેશિયલ ઓપરેશન ગ્રુપ તેમજ ઝોન 1 અને ઝોન 2 ટીમ દ્વારા ₹4.94 કરોડનો દારૂ ઝડપી પાડવામાં આવ્યો હતો. ત્યારે સોખડા ખાતે ઉચ્ચ પોલીસ અધિકારીઓની હાજરીમાં તેમજ મેજિસ્ટ્રેટની હાજરીમાં દારૂના જથ્થાનો નાશ કરવામાં આવ્યો હતો.
સ્ટેટ મોનિંટરીંગ સેલ દ્વારા પણ અનેક રેડો કરવામાં આવી હતી
ઉલ્લેખનીય છે કે વર્ષ 2022 -23 દરમિયાન રાજકોટ શહેર પોલીસ ઉપર દારૂની ખેપ મારવાનો આક્ષેપ પણ લાગી ચૂક્યો છે. રાજકોટ શહેર ક્રાઈમ બ્રાન્ચના જવાનો દારૂ ભરેલી ટ્રક સુરેન્દ્રનગર થી રાજકોટ લાવ્યા બાબતની પોલીસ ફરિયાદ પણ સ્ટેટ મોનિટરિંગ સેલ દ્વારા આજ વર્ષમાં નોંધાવવામાં આવી હતી.