બિઝનેસ / માર્કેટમાં ઉતાર ચઢાવ છતાં 56 રૂપિયાના શેરે આપ્યું 2 હજાર ટકાનું રિટર્ન, આજે પણ અપર સર્કિટ

શેર માર્કેટમાં ઉતાર ચઢાવની વચ્ચે શુક્રવારે કેટલાક શેર અપર સર્કિટ પર ગયા છે. તેમાનો એક શેર છે ભારત ગ્લોબલ ડેવલપર્સ (BGDL). આ કંપનીના શેર શુક્રવાર ડિસેમ્બર 13ના રોજ સતત ત્રીજા ટ્રેડિંગ સેશન દરમિયાન 5%ની અપર સર્કિટ પર પહોંચ્યા હતા. જેથી આ શેરની કિંમત 1183 રૂપિયા પર પહોંચી ગઈ છે. કંપનીના શેરમાં ઉછાળાનું કારણ તેની સાથે સંકળાયેલ એક પોઝિટિવ સમાચાર છે.

ભારત ગ્લોબલ ડેવલપર્સની એક પેટા કંપનીએ ટાટા એગ્રો અને કન્ઝ્યુમર પ્રોડક્ટ્સ સાથે 1650 કરોડ રૂપિયાનો એન્યુઅલ કોન્ટ્રાક્ટ મેળવ્યો છે. જેના હેઠળ કંપની ચાની પત્તી, કોફી બીન્સ, ઓર્ગેનિક કઠોળ, નારિયેળ, મગફળી, સરસવ, તલ, બદામ, કાજુ, જાયફળ અને અખરોટ જેવા પ્રીમિયમ સૂકા ફળો સહિત પ્રીમિયમ એગ્રો કોમોડિટીની ચેઇન સપ્લાય કરશે. જેમાં આગામી 12 મહિનામાં તબક્કાવાર પુરવઠો પહોચાડાશે.

ભારત ગ્લોબલ ડેવલપર્સ કંપનીને અપેક્ષા છે કે ટાટા એગ્રો સાથેની આ પાર્ટનરશિપ તેની ટોપ લાઇન અને બોટમ લાઇનમાં મજબૂત વૃદ્ધિ કરશે. જેથી અપેક્ષા છે કે આ કોન્ટ્રાક્ટમાં સર્વિસ ચાર્જીસ પર 11% થી 14% સુધી માર્જિન મળશે.

વધુ વાંચો : શેરબજારની ગજબ વાપસી, 1100 પોઈન્ટના કડાકા બાદ માર્કેટ રિકવર

• 2024માં 2000% રિટર્ન

ભારત ગ્લોબલ ડેવલપર્સના શેર 2024માં અત્યાર સુધીમાં પ્રતિ શેર 56 રૂપિયાથી વધીને 1183 રૂપિયાના સ્તરે પહોંચી ગયા છે. આ શેરે રોકાણકારોને 2000%નું માતબર વળતર આપ્યું છે. તેના શેરે છેલ્લા એક વર્ષમાં 2647%નું વળતર આપ્યું છે. તો છેલ્લા બે અને ત્રણ વર્ષમાં તેમાં અનુક્રમે 7620% અને 8353%નો વધારો થયો છે. આ શેરની છેલ્લા 52 સપ્તાહની ઊંચી સપાટી 1702.95 રૂપિયા છે. 28 નવેમ્બર 2024ના રોજ શેર આ લેવલે પહોંચી ગયો હતો. ગયા વર્ષના ડિસેમ્બર મહિનામાં આ શેર 44.81 રૂપિયા પર હતો. જો શેરહોલ્ડિંગ પેટર્ન વિશે વાત કરીવી હોય તો પ્રમોટરો 100 ટકા હિસ્સો ધરાવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ