ચોમાસુ શરૂ થયાને લગભગ એક મહિલો વીતવા આવ્યો છે. પરંતુ સૌરાષ્ટ્રના અમુક જિલ્લાઓમાં વરસાદના એક-એક ટીપા માટે તરસી રહ્યાં છે. જામનગર પાસે આવેલા વસઈ ગામમાં તંત્ર સામે લોકોએ ભારે રોષ દાખવ્યો છે. અહીં 20-25 દિવસે પાણી વિતરણ કરવામાં આવતા ગ્રામજનો ઉકળી ઉઠ્યા છે. મહિલાઓએ માટલા ફોડી વિરોધ કર્યો હતો. જયારે સરપંચે જાયે તો જાયે કહાંનો રાગ આલાપી રહ્યાં છે. હાલ પીવાના પાણીના એક - એક બેડા માટે મહિલાઓ વલખા મારી રહી છે. ગામથી કેટલાય કિલોમિટરનું અંતર કાપી એક-એક બેડા પાણી માટે મહિલાઓ અહીં - તહીં ભટકી રહી છે. તો પશુઓની શું હાલત થતી હશે તે કલ્પી શકાય છે. સ્થાનિકો ધારાશભ્યો અને તંત્ર સામે સખત બળાપો કાઢ્યો હતો. તંત્ર અને નાગરિકો સહિયારા પ્રયાસ કરશે તો વિકરાળ બનતી જતી સમસ્યાને જરૂરથી અટકાવી શકાશે.