આજના સમયમાં રૂપિયા કમાવવા ખૂબ મુશ્કેલ કામ થયુ છે. અત્યારે દરેક વસ્તુ ડિજીટલ થઇ ગઇ છે. પરંતુ ગમે તેમ આ પણ વાસ્તવિકતા છે કે દેશમાં દરેક લોકો ભણેલા હોતા નથી. તેથી ડીજીટલ તો દૂરની વાત છે એવા લોકો નોકરી કરી શકતા નથી.
ડીજીટલ યુગમાં પણ કળા અકબંધ
આંખની રોશની ગયા બાદ પણ તળે છે કેળાની ચિપ્સ
શખ્સનો પરિશ્રમ જોઇને લોકોએ કર્યા વખાણ
ગરમ વરાળને કારણે વૃદ્ધ શખ્સની જતી રહી આંખ
તેમ છતાં લોકો તેનુ ગુજરાન ચલાવવા માટે કામ તો કરે છે. તેથી આજે જે વીડિયો વાયરલ થયો છે, તેમાં એક માણસ ખૂબ પરિશ્રમ કરી રહ્યો છે. વીડિયોમાં તમે જોઈ શકો છો કે એક આધેડ શખ્સ ભટ્ટીની સામે બેસીને કેળાની ચિપ્સ તળી રહ્યો છે. આ સાથે જોવા મળી રહ્યું છે કે તેમણે ચશ્મા પહેર્યા છે અને તેમને ભટ્ટીની ગરમ વરાળને કારણે આંખમાં મુશ્કેલી થઇ ગઇ. તેમ છતાં તેણે પોતાનુ કામ ચાલુ રાખ્યું. કારણકે આજના સમયમાં પેટનો ખાડો પુરવો સૌથી મોટો ટાસ્ક બની ગયો છે.
વીડિયોમાં જોઈ શકાય છે કે કેળાની ચિપ્સ આ વૃદ્ધ શખ્સ તળી નાખે છે. ત્યારબાદ એક યુવક ચિપ્સની અંદર મસાલો નાખે છે અને એક કોથળીમાં સારી રીતે પેક કર્યા બાદ ગ્રાહકોને વહેંચે છે. જેના પરથી જાણવા મળે છે કે આપણા દેશમાં કલાની કમી નથી. લોકોમાં દરેક પ્રકારની કલા છે. મહત્વનું છે કે તમને આ કેળાની ચિપ્સ નાસિક શહેરમાં સરળતાથી મળી જશે અને તમે તેને ખરીદીને તેની મજા પણ માણી શકો છો.