ઉનાળો આવેને પાણીની પોકારની શરૂઆત થાય, પરંતુ આજે અમે એવી વાત લઈને તમારી સમક્ષ આવી રહ્યા છે કે, રાજ્ય સરકાર દ્વારા 2.50 કરોડ રૂપિયાની ગ્રાન્ટ ફાળવવામાં આવી છતાં પણ આજે પણ ગામ પાણી માટે તરસ્યું છે અને બે કિલોમીટર દૂર પાણી માટે જવું પડે છે. જી હા આ વાત વડોદરા જિલ્લાના વાઘોડિયાના રૂમીપુરા ગામની વાત કરી રહ્યા છે આજે પણ ગામની મહિલાઓ જીવના જોખમે પાણી ભરવા મજબુર બની છે.
હાલ ઉનાળાનો મધ્યાહન ચાલી રહ્યો છે ગરમીનો પારો ૪૪ ડિગ્રી વટાવી ચૂક્યો છે, ત્યારે પુરા ગુજરાત ભરમાં પાણીની અસય તંગી વર્તવા પામી છે પરંતુ વડોદરા જિલ્લાના વાઘોડિયા તાલુકામાં આવેલ રૂમિપુરા ગામ આ એક એવું ગામ કે જ્યાં તમામ સુવિધાઓ સજ્જ છે છતાં પણ આજે મહિલાઓ પાણીની તંગી વચ્ચે ઝઝૂમી રહી છે. આ ગામની વાત કરીએ તો 400ની વસ્તી ધરાવતું ગામ છે અને આ ગામનો મુખ્ય વેવસાઈ પશુપાલન છે અને ગામમાં 200થી વધારે ગાય ભેસો પણ વસવાટ કરી રહી છે. ત્યારે આ ઉનાળામાં ગ્રામજનો સાથે પશુ ઓને પણ પાણીની સમસ્યાઓ વર્તાઇ રહી છે અને પીવાના પાણી માટે વલખા મારવા પડે છે આ ગામમાં પીવાના પાણીની ટાંકી આરો પ્લાન્ટ પાણીના સંપ પશુઓને પાણી પીવા માટેનો હોજ જેવી તમામ વસ્તુઓ થી સજ્જ છે, પરંતુ આ તમામ વસ્તુઓના અંદર પાણી જ નથી આવતો તેની પાછળનું કારણ અધિકારીઓની અન આવડત સ્પષ્ટ પણે દેખાઈ રહી છે. છેલ્લા બે વર્ષમાં 2.50 કરોડ રૂપિયા રાજ્ય સરકાર દ્વારા ગામને ફાળવવામાં આવ્યા છે, પરંતુ સુવિધા શોભાના ગાંઠિયા સમાન બની ગઈ છે, જેને લઇને ગ્રામજનોમાં આક્રોશ વ્યાપી જવા પામ્યો છે.
વાઘોડિયા તાલુકામાં આવેલ રૂમીપુરા ગામ વેવસાનિયા જૂથ ગ્રામ પંચાયતનું પેટા પર ગામ છે. બીજી બાજુ ગામની એકતાને પણ બિરદાવવાલાયક છે, જેનું મોટું કારણ એ છે કે આટલી કાળઝાળ ગરમીના અંદર ત્રણ કિલોમીટર દૂર આવેલ નર્મદા બ્રાન્ચ કેનાલમાં જીવના જોખમે પાણી ભરવું પડે છે. તેમજ ગામની મહિલાઓ કેનલ નીચે ઉતરી સ્થિત બંધ હરોળમાં ઉભા રહી પાણી ભરે છે, જે દરમિયાન કોઈ અનિચ્છનીય બનાવના બને તે માટે ગામના પુરુષો કેનાલ પાસે ઉભા રહી પાણી ભરતી મહિલાઓને નિહાળે છે, એટલું જ નહીં આ બાબતની જાન સમગ્ર વાઘોડિયા તાલુકાના તમામ અધિકારીઓને છે છતાં પણ આંખ આડા કાન કરી અધિકારીઓ માત્ર મૂખ પ્રેક્ષક બની ગયા છે. આ બાબતમાં અનેક વખત ગ્રામજનો દ્વારા લેખિત તથા મૌખિક રજૂઆતો અને આવેદનપત્રો આપવામાં આવ્યા છતાં પણ ભર ઉનાળે પાણીના વલખા મારવા ગ્રામજનો લાચાર છે.
એટલું જ નહીં વાત તો ત્યારે હદ પાર કરી ગઈ વિદ્યાર્થીઓને ભણવાની ઉંમરે પાણીના બેડા લઈને ત્રણ કિલોમીટર દૂર પાણી ભરવા જવું પડે છે કારણકે ઘરની એક મહિલા માત્ર એક જ બેડું પોતાના માથે લઈ શકે છે અને એક બેડે ઘરના ત્રણથી ચાર સભ્યોને પાણી પહોંચી શકે તેમ નથી જેથી સગીર વયના વિદ્યાર્થીઓએ માથે બેડા લઈ પાણી ભરવા જવાનો વારો આવે છે. ગામમાં એવો પણ વર્ગ છે કે જ્યાં પોતાના પરિવારનું ગુજરાન ખેતરમાં મજૂરી કરીને ચલાવે છે, ત્યારે તેવા લોકોને પણ મજૂરીનો દિવસ પાડીને પાણી ભરવા માટે જવું પડે છે. હાલ તો ગામજનો માં પાણી મુસીબત ઉભી કરી છે ત્યારે હાલ ગ્રામજનો પોતાના દબંગ ધારાસભ્ય મધુ શ્રીવાસ્તવ મેં દબંગગીરી વાઘોડિયા તાલુકાના ગામોમાં સેવાના રૂપે જોવા માંગે છે ત્યારે દબંગ ધારાસભ્ય પણ પોતાના તાલુકાના ગામડાઓની ઉનાળામાં પાણી માટે સમીક્ષા કરે તેવી માંગ ઉઠવા પામી છે.
ગામની મહિલાઓમાં એક જ માંગ ઉઠવા પામી છે ખાવાનો રોટલો નહી મળે તો ચાલશે, પરંતુ પાણી વગર નહીં ચાલે તે પ્રકારની વાતો કરી રહી છે તેમજ ગામના સરપંચ પણ આ સરકારી બાબુઓ વચ્ચે લાચાર બની ગયા છે, કારણ કે તેઓની વાત કોઈ સાંભળવા તૈયાર નથી ત્યારે ગ્રામજનો હાલ મીડિયા માધ્યમથી તંત્ર સામે પાણીની માગ કરી રહ્યા છે, પરંતુ શું ખરેખર આવનારા દિવસોમાં વાઘોડિયા તાલુકાના રૂમી પુરા ગામના ગ્રામજનોની તંત્ર દ્વારા સમસ્યા દૂર કરવામાં આવશે કે કેમ એ તો આવનારા દિવસોમાં જ ખબર પડશે.