કોરોનાથી બચવાનો એક મુખ્ય ઉપાય જ્યારે વેક્સિનને માનવામાં આવી રહ્યો છે ત્યારે આ દેશમાં વેકસીનેશન બાદ પણ મચ્યો છે કોરોનાનો હાહાકાર
આફ્રિકી દેશ સેશેલ્સમાં વેક્સિન સફળ રહી કે નિષ્ફળ તે પ્રશ્ન WHO માટે ચિંતાજનક
ભારત માટે પણ બની શકે છે ચિંતાનો વિષય
પર્યટન માટેનો દેશ હોવાથી ઝડપથી કરવામાં આવ્યું હતું વેકસીનેશન
આફ્રિકી દેશ સેશેલ્સમાં વેક્સિન સફળ રહી કે નિષ્ફળ તે પ્રશ્ન WHO માટે ચિંતાજનક
આફ્રિકી દેશ સેશેલ્સમાં કોરોનાનો કહેર વધતાં હવે વેક્સિન સફળ રહી કે નિષ્ફળ તે પ્રશ્ન WHOને સતાવી રહ્યો છે. કારણકે સૌથી વધુ વેકસીનેશન આ દેશમાં જ થયેલું છે. 7 મે નાં રોજ આ દેશમાં કોરોનાનાં બે ગણા કેસો સામે આવી ગયા હતા જેથી પૂરી દુનિયા માટે આ ચિંતાનો વિષય બની ગયો છે. સ્વાસ્થ્ય મંત્રાલય મુજબ અહિયાં ગયા અઠવાડિયાથી જ અહિયાં કોરોનાનાં કેસ બે ગણા થઈ ગયા છે. આ આંકડો 2,486 સુધી પહોંચી ગાતો છે. નવાઈની વાત એ છે કે આ આંકડામાં 37 ટકા એ લોકો છે જેમને વેક્સિનનાં બંને ડોઝ લઈ લીધા છે.
ભારત માટે પણ બની શકે છે ચિંતાનો વિષય
સેશેલ્સ દેશના 57 ટકા લોકોએ ચીનની સીનોફૉર્મ અને બાકીના લોકોએ ભારતમાં બનેલી ઓક્સફોર્ડની કોવિશિલ્ડ વેક્સિન લીધી છે. ભારતમાં પણ મોટા ભાગનાં લોકોને કોવિશિલ્ડ વેક્સિન જ અપાઈ રહી છે, એટલે ભારત માટે પણ આ ચિંતાનો વિષય તો ખરો ! ત્યાંની ન્યૂઝ એજન્સી મુજબ વેક્સિન લીધા બાદ સંક્રમિત થયેલ એક પણ વ્યક્તિની મોત નથી થઈ.
પર્યટન માટેનો દેશ હોવાથી ઝડપથી કરવામાં આવ્યું હતું વેકસીનેશન
100,000થી પણ ઓછી વસ્તી ધરાવતા આ દેશમાં વેકસીનેશન ખૂબ જ ઝડપથી થઈ ગયું હતું. પણ અચાનક આટલા બધા કેસ આવતા સ્કૂલ અને બીજી બધી સેવાઓ બંધ કરી દેવામાં આવી હતી. અને લોકોને જાહેરમાં ભેગા થવા પર પણ પ્રતિબંધ મૂકવામાં આવ્યો છે. અહિયાંનાં લોકોનો મુખ્ય આધાર પર્યટનને આભારી છે. પર્યટકો માટે જલ્દી આ સ્થળો ખૂલે તે માટે થઈને અહિયાં વેકસીનેશન ઝડપી પૂરું કરવામાં આવ્યું. ત્યાંની કોલેજનાં પ્રોફેસર ડેનિયલ લૂસીએ એક બ્લોગ દ્વારા માહિતી આપી હતી કે અહિયાં ફેબ્રુઆરી મહિનામાં દક્ષિણ આફ્રિકાનો વેરિયન્ટ પ્રવેશ્યો હતો.