પાટણ / એશિયાના સૌથી મોટા ચારણકા સોલારપાર્કમાં ભભૂકી ભયાવહ આગ, ધુમાડાના ગોટે ગોટા ઉડ્યાં, લાખોનું નુકસાન

• સાંતલપુર તાલુકાનાં ચારણકાનાં સોલાર પાર્કમાં લાગી આગ
• સાંતલપુરના ફાયર ફાઈટર દ્વારા શરૂ કરાઈ કામગીરી
• આગના ધુમાડા દૂર દૂર સુધી આકાશમાં મળ્યા જોવા

સરહદી વિસ્તાર એવા સાંતલપુર તાલુકાના ચારણકા સોલાર પાર્ક ખાતે બનાવવામાં આવેલ એશિયના સૌથા મોટા સોલાર પાર્કમાં પાવર ઉત્પાદન કરતી કંપનીનાં ઈલેક્ટ્રીક રૂમમાં અચાનક બપોરના સુમારે આગ લાગી હતી.  આગની ઘટનાને લઈને કંપનીના કર્મચારીઓમાં દોડધામ મચી જવા પામી હતી. સાંતલપુરથી ફાયર ફાઈટર મંગાવી આગને ઓલવવાની તજવીજ હાથ ધરી હતી. આગની ઘટના બનતા ગ્રામજનોમાં ભયનો માહોલ વ્યાપી જવા પામ્યો હતો. અત્રે ઉલ્લેખનીય છે કે એશિયાના સૌથી મોટા સોલાર પાર્ક ચારણકા ખાતે અગ્નિશામક સાધનોની વ્યવસ્થા ન હોવાને કારણે આગ બેકાબુ બની હતી. 

દૂર દૂર સુધી આગના ગોટે ગોટા  આકાશમાં જોવા મળ્યા
સાંતલપુર તાલુકાના ચારણકાનાં સોલાર પાર્કમાં અચાનક બપોરના સુમારે આગ લાગતા ગ્રામજનોમાં ભયનો માહોલ સર્જાવા પામ્યો હતો. આગ લાગ્યાના સમાચાર વાયુ વેગે પંથકમાં પ્રસરતા આગ પર કાબુ મેળવાની તજવીજ હાથ ધરવામાં આવી હતી. આગ લાગ્યાની જાણ સાંતલપુર ફાયર ફાઈટરને કરતા અગ્નિશામક દળો દ્વારા આગ ઓલવવાની કાર્યવાહિ શરૂ કરી હતી. આગ એટલી વિકરાળ હતી કે દૂર દૂર સુધી આગના ગોટે ગોટા આકાશમાં જોવા મળ્યા હતા. ત્યારે સોલાર પાર્કમાં આગ લાગવાનું કારણ હજુ અકબંધ છે. ત્યારે સોલાર પાર્કમાં લાગેલ આગમાં મોટી જાનહાનિ ટળી હતી. આ આગની ઘટનાથી કંપનીને લાખોનું નુકશાન થવા પામ્યું હતું.