એપલ / 27 વર્ષ બાદ જોની ઇવેની એપલને અલવિદા: iPhoneથી લઇને Apple Watch સુધીની ડિઝાઇન તૈયાર કરી હતી

• જોની ઇવે એપલને સત્તાવાર રીતે અલવિદા કહી દીધું
• જોની હવે પોતાની ડિઝાઇન ફર્મ ‘લવફ્રોમ’ બનાવવા જઇ રહ્યા છે
• જોનીના રાજીનામા બાદ એપલને શેર બજારમાં રૂ. 63 હજાર કરોડનું નુકસાન થયું 

આ સિવાય તે ગુરુ જોનાથન ઇવ તરીકે પણ ઓળખાય છે. જોનીએ 27 વર્ષ એપલમાં સેવા આપી છે.જોનીની વિદાય એવા સમયે થઇ રહી છે જયારે એપલ કંપની આઇફોન 12ની નવી ડિઝાઇન પર કામ કરી રહી છે. જોની હવે પોતાની ડિઝાઇન ફર્મ ‘લવફ્રોમ’ બનાવવા જઇ રહ્યા છે. એપલ કંપની તેની મહત્વની કલાયન્ટ હશે તેમ મનાઇ રહ્યું છે. 

જોનીનો જન્મ 1967 માં લંડનમાં થયો હતો

જોની સ્ટીવ જોબ્સના કાર્યકાળ દરમિયાન ઇન્ડસ્ટ્રિયલ ડિઝાઇનના સિનિયર વાઇસ પ્રેસિડન્ટ તરીકે ફરજ બજાવી હતી. એપલમાં જોનીની હેસિયતનો અંદાજ એ વાતથી લગાવી શકાય છે કે જોનીના રાજીનામા બાદ એપલને શેર બજારમાં રૂ. 63 હજાર કરોડનું નુકસાન થયું હતું.

જોનીનો જન્મ 1967 માં લંડનમાં થયો હતો. 1989માં ઇન્ડસ્ટ્રિયલ ડિઝાઇનમાં ગ્રેજયુએટ થયા હતા. તે પછી અમેરિકા આવ્યા હતા જયાં ડિઝાઇન કન્સલ્ટન્સી કંપની ચલાવતા રોબર્ટ બર્નરને મળ્યા હતા.

એપલના સહ સ્થાપક સ્ટીવ જોબ્સ સાથે તેને સારી મિત્રતા હતી

બર્નર અને ત્યાર પછી જોની પણ 1992માં એપલના ડિઝાઇન વિભાગમાં જોડાયા હતા. એપલના સહ સ્થાપક સ્ટીવ જોબ્સ સાથે તેને સારી મિત્રતા હતી.જોબ્સને તેઓ તેના સ્પિરિચ્યુએલ પાર્ટનર કહેતા હતા.જોબ્સે જ તેમને ડિઝાઇનર વિભાગના હેડ બનાવ્યા હતા. 1998માં સૌપ્રથમ આઇમેકની ડિઝાઇન બનાવી હતી.જે આજે પણ આઇકોનિક કહેવાય છે.આઇમેકની ડિઝાઇને એપલના અન્ય ડિવાઇસની  ડિઝાઇનનો રસ્તો ખોલ્યો હતો.જોની એ આઇફોનથી લઇને આઇમેક,આઇપેડ,આઇપોડ અને એપલ વોચની ડિઝાઇન તૈયાર કરી છે. જોનીએ ટોઇલેટની પણ ડિઝાઇન બનાવી છે.