દુઃખદ / રાજયસભામાં ઉપરાષ્ટ્રપતિ નાયડુ ધ્રુસકેને ધ્રુસકે રડી પડ્યા, જાણો કેમ?

• રાજ્યસભામાં હોબાળો
• રાજસભા સદન મંગળવાર 9 વાગ્યા સુધી સ્થગિત કરવામાં આવ્યું હતુ
• કોને કોને કરાયા સસ્પેન્ડ

રાજ્યસભામાં વેંકૈયા નાયડુ ભાવુક થયા હતા. રાજ્યસભાને સંબોધિત કરતાં ભાવુક થતાં તેમણે કહ્યું કે, સાંસદોએ પણ ખુદ સ્વીકાર્યું કે તેમણે હોબાળો કર્યો અને માઈક તોડ્યું. આ બાબત જરા પણ ચલાવી ન લેવાય આનાથી સ્પીકર અને ડે. સ્પીકરના પદની ગરીમા ભંગ થઈ છે. વિપક્ષનું આવું વલણ અમને કેટલું દુખી કરે છે? આટલુ કહેતા કહેતા તેઓ રડી પડ્યા હતા. 

રાજ્યસભાના સભાપતિ વેંકૈયા નાયડુએ સોમવારે વિપક્ષી 8 સાંસદને એક સપ્તાહ માટે સદનની કાર્યવાહીમાંથી સસ્પેન્ડ કર્યા છે. રવિવારે કૃષિ સાથે જોડાયેલાં બે બિલ સદનમાં પાસ થયાં હતાં. ચર્ચા દરમિયાન વિપક્ષી સાંસદોએ વેલમાં આવીને નારેબાજી કરી હતી, ઉપસભાપતિ હરિવંશનું માઈક કાઢવાની કોશિશ કરાઈ હતી.

12 વિપક્ષે રવિવારે હરિવંશની વિરુદ્ધ અવિશ્વાસ પ્રસ્તાવની નોટિસ આપી

સ્પીકર વેંકૈયાએ ડે. સ્પીકર હરિવંશ પર કાર્યવાહીની માંગને ફગાવી દીધી હતી. કૃષિ મંત્રીના જવાબ પર ચર્ચાની માંગ ફગાવી નાખવામાં આવ્યા પછી 12 વિપક્ષે રવિવારે હરિવંશની વિરુદ્ધ અવિશ્વાસ પ્રસ્તાવની નોટિસ આપી હતી. વેંકૈયાએ કહ્યું કે ગઈકાલે જે રાજ્યસભા થયું હતું, તેને સારું ન કહી શકાય. કેટલાક સાંસદોએ વેલમાં આવીને નારાબાજી કરી હતી. તેમના કામમાં અવરોધ સર્જાયો હતો. મારી સલાહ છે જે સાંસદો પર કાર્યવાહી થઈ, તેમણે પોતાની અંદર જઈને જોવું જોઈએ.

કોને કોને કરાયા સસ્પેન્ડ

જે સાંસદોને સસ્પેન્ડ કરવામાં આવ્યા છે એમાં તૃણમૂલના ડેરેક ઓ બ્રાયન, કોંગ્રેસના રાજીવ સાતવ, આમ આદમી પાર્ટીના સંજય સિંહ, કે કે રાગેશ, રિપુન બોરા, ડોલા સેન, સૈયદ નઝીર હુસૈન અને ઈલામારન કરીમ છે. આ તમામ પર સંસદમાં અયોગ્ય વ્યવહાર કરવાનો આરોપ છે.

રાજસભા સદન મંગળવાર 9 વાગ્યા સુધી સ્થગિત કરવામાં આવ્યું હતુ

ભુવનેશ્વર કાલીતે સસ્પેન્ડ કરવામાં આવેલા સાંસદોને સદનની બહાર જવાનું નિવેદન કર્યું હતું. તેમણે કહ્યું કે સસ્પેન્ડ કરવામાં આવેલા સાંસદ નિયમ મુજબ પોતાની વાત રજૂ કરી શકે છે, જોકે આવું સદનમાં પહેલા ક્યારેય થયું નથી. હલ્લાના પગલે સદનને મંગળવાર 9 વાગ્યા સુધી સ્થગિત કરવામાં આવી હતી.